advertisement before-navabar

विद्युत आपूर्ति

  • प्राधिकरण : ३२४ मेगावाट
  • निजी क्षेत्र : १६५ मेगावाट
  • भारत : ४५६ मेगावाट
  • लोडसेडिङ : २६० मेगावाट (उद्याेग)
  • माग : १२०५ मेगावाट
  • स्रोत : ने.वि.प्रा.

दिनहुँ झ्यापझ्याप काटिन थाल्याे विद्युत्, दर्जनौं ठाउँमा आपूर्ति बन्द

   फागुन ०१, २०७४        1692        ऊर्जा खबर/काठमाडौं

नेपाल विद्युत् प्राधिकरणले उपत्यकाको वितरण प्रणाली सुधार गर्दै आए पनि यसको परिणाम देखिएको छैन । सामान्य हुरी बतास वा पानी पर्नासाथ विद्युत् आपूर्ति अवरुद्ध हुने पुरानो समस्या अझै ज्यूँका त्यूँ छ ।

उपत्यकाका भित्री सहरमा एक शताब्दीभन्दा पुरानो वितरण प्रणाली छ । यही कारण सामान्य हावा वा पानी पर्नासाथ तार चुँडिने, मिटर बिग्रने, ट्रान्सफर्मर बिग्रने वा जल्ने लगायत समस्या दोहोरिने गरेको छ ।

पछिल्ला वर्ष प्राधिकरणले उपत्यकाको वितरण प्रणाली सुधारमा निकै मिहिनेत गरेको छ । पुरानो तार तथा पोल फेर्ने, मिटर, ट्रान्सफर्मर मर्मत गर्ने, सबस्टेसन स्तरोन्नती गर्दै आएको छ । यत्ति गर्दा पनि विद्युत् नियमित कटौती हुने समस्या अन्त्य भएको छैन ।

काठमाडौंका विभिन्न ठाउँमा सोमबारमात्र दर्जन बढी ठाउँमा विद्युत् काटिएको थियो । मर्मत गरेर सुचारु गरेको २४ घन्टा नबित्दै पुनः त्यही क्षेत्रमा विद्युत् आपूर्ति बन्द भएको छ ।

प्राधिकरणले सोमबार पुतली सडक फिडरमा देखिएको समस्या समाधान गर्यो । र, आपूर्ति सुचारु गर्यो । गए राती सामान्य हावा चल्दा वा पानी परेका कारण यो फिडरमा पुनः समस्या आयो । यही कारण माइतीघर, बिजुलीबजार, थापाथली, बबरमहल, बानेश्वरलगायत ठाउँमा विद्युत् आपूर्ति बन्द भएको छ ।

यसैगरी, ठमेल र गल्कोपाखा क्षेत्रमा पनि अहिले विद्युत् काटिएको छ । त्यहाँको ११ केभी लाइनमा समस्या आउँदा लैनचौर मल्ल होटल, गल्कोपाखा दोबाटो, ठमेललगायत क्षेत्रमा आपूर्ति बन्द भएको प्राधिकरणले जानकारी दिएको छ ।

केही घन्टामा पुतलीसडक फिडर मर्मत गरेर विद्युत् आपूर्ति सुचारु हुने रत्नपार्क नो लाइटका किरण बञ्जाराले बताए । उनका अनुसार लैनचौर र ठमेल क्षेत्रमा विद्युत् आपूर्ति सुचारु हुन कति समय लाग्छ भन्ने यकिन छैन ।

प्रतिक्रिया दिनुहोस

loading...
sidebar2
sidebar3
sidebar4
sidebar5
sidebar6
sidebar7