advertisement before-navabar

विद्युत आपूर्ति

  • प्राधिकरण : ४०१ मेगावाट
  • निजी क्षेत्र : ३४४ मेगावाट
  • भारत : ४२४ मेगावाट
  • ट्रिपिङ : १५ मेगावाट
  • माग : ११८८ मेगावाट
  • स्रोत : ने.वि.प्रा.
after_navbar

२ अर्ब डलर भ्रष्टाचार अाराेपमा पन्जाब बैंकका १८ कर्मचारी निलम्बन

   फागुन ०७, २०७४        1281   

भारतको केन्द्रीय अनुसन्धान ब्यूरो सिबिआई) ले झन्डै २ अर्ब अमेरिकी डलर आर्थिक हिनामिना गरेको आरोपमा सरकारी स्वामित्वको एक बैंकका १८ कर्मचारीलाई निलम्बन गरेको छ । फर्जी तथा गैरकानुनी कारोबार गरेको आरोपमा निलम्बन गरिएको हो ।

अनुसन्धानका क्रममा केही कर्मचारीलाई रंगेहात समातिएको जनाइएको छ । सिबिआईका अनुसार पन्जाब नेशनल बैंकका कर्मचारी निलम्बनमा परेका हुन् । पन्जाब बैंकले नेपालमा एभरेष्ट बैंकसँग सहकार्य गरी कारोबार तथा व्यवसाय सञ्चालन गर्दै आएको छ ।

पन्जाब बैंकले भनेको छ– अनुसन्धानका क्रममा कर्मचारीले फर्जी तथा गैरकानुनी कारोबार गरेको भेटियो । उनीहरूले १ अर्ब ७७ करोड अमेरिकी डलर आर्थिक हिनामिना गरेको देखियो । सिबिआईले इन्टरपोलसँग सम्पर्क गर्दा अर्बपति हीरा व्यापारी निरब मोदी र उनको परिवार विरुद्धको सूचना पाएको थियो ।

सिबिआईले निरब, उनकी श्रीमती अमी मोदी, भाइ निशल मोदी र व्यावसायिक साझेदार मेहुल चुक्सी विरुद्धको सूचना पाएको थियो । उक्त सूचनाका आधारमा अनुसन्धान गर्दा बैंकका कर्मचारीले गैरकानुनी कारोबार गरेको भेटिएको जनाइएको छ ।

इन्टरपोलको सूचना कम औपचारिक भए पनि दोषीलाई पक्राउ गर्न वा कारोबारस्थल पत्ता लगाउन धेरै सहयोगी हुने सिबिआईका एक वरिष्ठ प्रहरी अधिकृतले बताए । प्रवर्तन निर्देशनालयले विदेश मन्त्रालयलाई पत्र लेखेपछि निरब र उनका सहयोगीको राहधानी तथा यात्रा कागजातसमेत रद्द गरेको छ ।

गैरकानुनी बैंकिङ कारोबारमा संलग्न रहेको देखिएपछि सिबिआईले निरब, उनका सहयोगी र गिताञ्जली गहना पसलले विदेश कारोबार गरेको तथ्य खोजिरहेको छ ।

सिन्हवाबाट अनुवाद

प्रतिक्रिया दिनुहोस

loading...
sidebar2
sidebar3
sidebar4
sidebar5
sidebar6
sidebar7