विद्युत आपूर्ति

  • प्राधिकरण : ७८८२ मे.वा. घन्टा
  • निजी क्षेत्र : ७९९७ मे.वा. घन्टा
  • भारत : ६३४८ मे.वा. घन्टा
  • ट्रिपिङ : १५०० मे.वा. घन्टा
  • माग : २३६२७ मे.वा. घन्टा
  • स्रोत : ने.वि.प्रा.
after_navbar

बन्याे ‘गणतन्त्र स्मारक’, पर्यटकीय गन्तब्य बनाउने लक्ष्य

   फागुन १४, २०७४        1270        ऊर्जा खबर/काठमाडौं

चार वर्षअघि नारायणहिटी दरबार संग्रहालयभित्र निर्माण सुरु गरिएको ‘गणतन्त्र स्मारक’ बल्ल पूरा भएको छ । करिब ४२ करोड रुपैयाँमा स्मारकको काम पूरा भएको छ ।

दरबार संग्रहालयको पूर्वतर्फ स्मारक उभ्याइएको छ । देशमा गणतन्त्र आगमनको प्रतीकका रूपमा सरकारले स्मारक निर्माण सुरु गरेको थियो ।

स्मारकलाई आन्तरिक एवं बाहय पर्यटकको गन्तव्य बनाउन सकिने सहरी विकास तथा भवन निर्माण विभागका सिडिई मचकाजी महर्जनले बताए ।

१२ मिटर उचाई रहने स्मारकमा अप्पर बेसमेन्ट तथा लोअर बेसमेन्ट गरी दुई ग्यालेरी छन् । चारवटा खम्बामा बेपत्ता पारिएका, अंगभंग भएका, मृत्यु भएकाको स्मरण गरिने गरी स्मारक निर्माण गरिएको छ ।

विभागका अनुसार स्मारकको जमिनमुनिको एउटा तलामा बैठक, सभा हल, विशिष्ट कक्षा र दोस्रो तलामा फोटो सहितको ऐतिहासिक दस्तावेज ग्यालरी कक्ष रहनेछ ।

स्मारक निर्माण गर्न बिकोई/स्काई/बंगलामुखी जेभीसँग २०६९ मंसिर २२ गते सम्झौता गरेको थियो । २०७२ मंसिर २१ गते काम पूरा गर्ने सम्झौता थियो । तर, विनाशकारी भूकम्प र नाकाबन्दीले काम दुई वर्ष लम्बिएको महर्जनले बताए ।

मन्त्रीपरिषद् बैठकले दरबार संग्राहलयको पूर्वी क्षेत्रको ८२ रोपनी क्षेत्रफलमा गणतन्त्र स्मारक निर्माण गर्ने निर्णय गरेको थियो । तर, नेपाली सेनाले सुरक्षा संवेदनशीलताको कारण देखाई ३५ रोपनी जग्गा उपलब्ध गराएको छ ।

प्रतिक्रिया दिनुहोस

loading...
sidebar1
sidebar2
sidebar3
sidebar4
sidebar5
sidebar6
sidebar7