advertisement before-navabar

विद्युत आपूर्ति

  • प्राधिकरण : ४०१ मेगावाट
  • निजी क्षेत्र : ३४४ मेगावाट
  • भारत : ४२४ मेगावाट
  • ट्रिपिङ : १५ मेगावाट
  • माग : ११८८ मेगावाट
  • स्रोत : ने.वि.प्रा.
after_navbar

पर्यटक भित्र्याउन अन्तर्राष्ट्रिय सांस्कृतिक मेला

   फागुन १५, २०७४        449   

पर्यटन प्रवर्द्धन गरी राष्ट्रिय अर्थतन्त्रमा टेवा पुर्याउने उद्देश्यले नवलपरासीको गैंडाकोटमा अन्तर्राष्ट्रिय लोक सांस्कृतिक मेला हुने भएको छ ।

‘धेरै हेरियो राष्ट्रिय मेला, यसपाली हेरौं अन्तर्राष्ट्रिय मेला’ भन्ने नाराका मेला हुन लागेको हो । सांस्कृतिक विविधताको आदान–प्रदान र प्रचार प्रसारले देशको पर्यटन विकासमा योगदान पुर्याउने विश्वासका साथ एभरेष्ट नेपाल कल्चरल ग्रुपले मेलाको आयोजना गरेको छ ।

मेलामा बंगलादेश, कोष्टारिका, स्टोनिया, ग्रिस, भारत, नेपाल, इन्डोनेसिया, इजरायल, इटली, मलेसिया र टर्की लगायत ११ देशका २ सयभन्दा बढी कलाकार भेला हुनेछन् । साथै, देशका दर्जनौं चर्चित कलाकारको उपस्थिति हुने जनाइएको छ ।

आगामी १८ गते काठमाण्डौमा उद्घाटन गरी भक्तपुर, धादिङ हुँदै २१ गते गैंडाकोटमा समापन गर्ने तालिका रहेको मेला आयोजक समितिका निर्देशक दुर्गा रायमाझीले जानकारी दिए ।

प्राकृतिक दृष्टिले आकर्षक रहेको गैंडाकोटको नारायणी किनारमा हुन लागेको मेलाले गैंडाकोट—चितवन क्षेत्रको पर्यटन विकासमा उल्लेख्य योगदान पुर्याउने उनको भनाइ छ । एभरेष्ट कल्चरल ग्रुपले अहिलेसम्म करिब ६५ बढी देशमा नेपालको लोक संस्कृति प्रस्तुत गरेको छ ।

प्रतिक्रिया दिनुहोस

loading...
sidebar2
sidebar3
sidebar4
sidebar5
sidebar6
sidebar7