advertisement before-navabar

विद्युत आपूर्ति

  • प्राधिकरण : ४०१ मेगावाट
  • निजी क्षेत्र : ३४४ मेगावाट
  • भारत : ४२४ मेगावाट
  • ट्रिपिङ : १५ मेगावाट
  • माग : ११८८ मेगावाट
  • स्रोत : ने.वि.प्रा.
after_navbar

कर्मचारी सञ्चय कोषको ‘निशुल्क एसएमएस सेवा’

   चैत ०५, २०७४        6799        ऊर्जा खबर/काठमाडौं

 

कर्मचारी सञ्चय कोषले कोषमा आवद्ध सञ्चयकर्ताले रकम जम्मा गर्दा वा सापटी लिँदा यसको जानकारी एसएमएसबाट गराउने भएको छ । सञ्चयकर्तालाई आधुनिक सेवा प्रदान गर्ने लक्ष्यले यसो गर्न लागेको हो ।

बैंक तथा वित्तीय संस्थामा रकम जम्मा गर्दा वा निकाल्दा यसको जानकारी मोबाइलको एसएमएसबाट प्राप्त हुन्छ । यसरी सेवा दिँदा वित्तीय संस्थाले निक्षेपकर्ताको बचत रकम कट्टा गर्ने गर्छन् । तर, कोषले सञ्चयकर्ताको कोषबाट कुनै रकम कटौती नगर्ने भएको छ ।

एसएसएम सेवाबारे नेपाल टेलिकमसँग छलफल तथा परामर्श भइरहेको कोषका मुख्य अधिकृत राजेन्द्र काफ्लेले बताए । ‘सेवा दिँदा लाग्ने खर्च वा सेवा शुल्क सञ्चयकर्तासँग नउठाउने कुरा भएको छ,’ उनले ऊर्जा खबरसँग भने, ‘एसएमएसको सेवा शुल्क कोषले नै टेलिकमलाई तिर्ने गरी कुरा भइरहेको छ ।’

बैशाख १ गतेदेखि सेवा दिने गरी आन्तरिक तयारी भइरहेको पनि काफ्लेले जानकारी दिए । कोषमा अहिले ५ लाख ६० हजार सञ्चयकर्ता छन् । कोषले सञ्चित रकममध्ये अधिकांश हिस्सा सञ्चयकर्तामा नै लगानी गरेको छ ।

कोषले आर्थिक वर्ष २०७३/७४ मा १ अर्ब ८९ करोड रुपैयाँ मुनाफा आर्जन गरेको छ । उक्त मुनाफा रकममध्ये ९२ प्रतिशत सञ्चयकर्ताकै हितमा खर्च भएको कोषले जानकारी दिएको छ ।

गत आवमा मुनाफा रकमको ८१ प्रतिशत सञ्चयकर्तालाई बाँडफाँड गरिएको छ । मुनाफा कोषमा जम्मा भएको रकमबाट सुरु मौज्दातको ०.७५ प्रतिशत वितरण गरेको छ । यस्तो रकम सञ्चयकर्ताको नाममा बेतन कर्णाली हाइड्रो पावर कम्पनीमा सेयर लगानीका लागि व्यवस्था गरिएको छ ।

कोषमा हालसम्म २ खर्ब ५५ अर्ब २९ करोड रुपैयाँ स्रोत जम्मा भएको छ । उक्त रकममध्ये २ खर्ब ४९ अर्ब ३३ करोड रुपैयाँ विभिन्न क्षेत्रमा लगानी भएको छ । अघिल्लो आवमा सञ्चित २ खर्ब २४ अर्ब ७० करोड रुपैयाँमध्ये २ खर्ब १८ अर्ब ३६ करोड रुपैयाँ लगानी भएको थियो ।

प्रतिक्रिया दिनुहोस

loading...
sidebar2
sidebar3
sidebar4
sidebar5
sidebar6
sidebar7