विद्युत आपूर्ति

  • प्राधिकरण :५७०७ मे.वा. घन्टा
  • निजी क्षेत्र : ४९६२ मे.वा. घन्टा
  • भारत : १००११ मे.वा. घन्टा
  • ट्रिपिङ : २५ मे.वा. घन्टा
  • माग : २०७०५ मे.वा. घन्टा
  • स्रोत : ने.वि.प्रा.
after_navbar

असोज २३ बाट आँखुखोलाको साधारण सेयर बिक्री खुल्ला गरिने

ऊर्जा खबर असोज १६, २०७५   1820 सेयर


काठमाडौं– आँखुखोला जलविद्युत कम्पनीले आगामी असोज २३ गतेबाट साधारण सेयर बिक्री खुल्ला गर्ने भएको छ । कम्पनीले धादिङमा सञ्चालित ८.४ मेगावाटको आँखुखोला जलविद्युत आयोजनाको सर्वसाधारणका लागि छुट्याएको १५ प्रतिशत सेयर बिक्री खुलाउन लागेको हो ।

प्रतिकित्ता सय रुपैयाँ अंकित १३ करोड ७६ लाख २ हजार मूल्य बराबरको १३ लाख ७६ हजार २० कित्ता साधारण सेयर निष्कासन गरिने कम्पनीले जनाएको छ । निष्कासन हुन लागेको सेयरमध्ये १२ करोड मूल्य बराबरको १२ लाख कित्ता सर्वसाधारणका लागि छुट्याइएको १५ प्रतिशत हो । १ लाख ७६ हजार २० कित्ता आयोजना प्रभावित स्थानीयले खरिद नगरेर बाँकी रहेको सेयरसहित साधारण सेयर निष्कासन गर्न लागिएको हो ।

सेयर खरिदकर्ताले असोज २३ देखि छिटोमा २६ गते र ढिलोमा कात्तिक ६ गतेभित्र आवेदन दिइसक्नु पर्नेछ । सेयर खरिद गर्न न्युनतम ५० देखि अधिकतम ६ हजार कित्तासम्मका लागि आवेदन दिन सकिनेछ ।

निष्कासन हुने साधारण सेयरमध्ये ६८ हजार ८ सय १ कित्ता सामुहिक लगानी कोष र २७ हजार ५ सय २० कित्ता कम्पनीमा कार्यरत कर्मचारीका लागि सुरक्षित गरिएको छ । बाँकी सेयर सर्वसाधारणमा बिक्री गरिनेछ ।

सेयर निष्काशन तथा बाँडफाट गर्न सिभिल क्यापिटल मार्केट लि. लाई बिक्री प्रवन्धक नियुक्त गरिएको छ । आवेदनको दिने अवधि पूरा भएपछि साधारण सेयर बाँडफाँट गरिने कम्पनीले जनाएको छ ।

कम्पनीले यसअघि  अायाेजना प्रभावित स्थानीयका लागी ८ करोड मूल्य बराबरको ८ लाख कित्ता सेयर निष्काशन गरेको थियो । जसमध्ये अावेदन परेकाे ६ लाख २३ हजार ९ सय ८० कित्ता सेयर स्थानीयमा बाँडफाँड गरेकाे थियाे ।

कम्पनीले निर्माण गरेकाे अायाेजनाले २०७० बाट नियमित विद्युत उत्पादन गर्दै अाएकाे छ ।

प्रतिक्रिया दिनुहोस

loading...
sidebar1
sidebar2
sidebar3
sidebar4
sidebar5
sidebar6
sidebar7
data-href="