Urja Khabar - Nepal's No. 1 energy based online portal.

body1

विद्युत आपूर्ति

  • प्राधिकरण :१००६० मे.वा. घन्टा
  • निजी क्षेत्र : ९६९२ मे.वा. घन्टा
  • भारत : ६५२९ मे.वा. घन्टा
  • ट्रिपिङ : मे.वा. घन्टा
  • माग : मे.वा. घन्टा
  • स्रोत : ने.वि.प्रा.
after_navbar

वनको अवरोधले काबेली कोरिडोर अलपत्र, रुख काट्ने अनुमति नै आएन

यशोदा सुनुवार मङि्सर १८, २०७५   2650

खबर



काठमाडौं– पूर्वाञ्चलको विद्युत प्रवाहका लागि मेरुदण्ड मानिएको १३२ केभी काबेली कोरिडोर (प्रसारण लाइन) निर्माणमा वन तथा वातावरण मन्त्रालयको अनुमति प्राप्त नहुँदा समस्या जटिल बन्दै गएको छ ।

ad

आवश्यक रुख कटानका लागि वन विभागबाट अनुमति प्राप्त नहुँदा काम अघि बढ्न नसकेको हो । मन्त्रालयबाट पाँचथरस्थित जोरसल्ला क्षेत्रको रुख काट्न ७ महिनासम्म स्वीकृति प्राप्त भएको छैन ।

मन्त्रालयले मंसिर १० गते रुख काट्न स्वीकृति दिए पनि फाइल विभागमा पुगेर थन्किएको आयोजना प्रमुख दिपेन्द्रराज द्विवेदीले बताए । ‘६ दिनदेखि विभागमा फाइल रोकिएको छ, त्यहाँबाट अघि बढाएर जिल्लाबाट स्वीकृत पाउन अभैm एक महिना लाग्ने देखिन्छ,’ उनले मंगलबार ऊर्जा खबरसँग भने ।

आयोजनाले गत असोज २५ गते रुख कटानका लागि दर्ता गरेको फाइल अभैmसम्म पूर्णरूपमा स्वीकृत प्राप्त भएको छैन । जोरसल्लामा करिब ४ किलोमिटर क्षेत्रमा ६ सय ४५ रुख काट्नुपर्नेछ । ११ वटा टावर रहने क्षेत्रमा स्वीकृत प्राप्त भएपछि रुख काट्नमात्र करिब एक महिना लाग्नेछ ।

प्रसारण लाइनको लगभग सबै काम सकिए पनि वनकै कारण निर्माण अवधि लम्बिदै गएको छ । नयाँ तालिका अनुसार मंसिरको अन्तिम वा पुषको पहिलो सातासम्म निर्माण पूरा गर्ने लक्ष्य थियो । वनकै अवरोधले अब कहिलेसम्म काम सकिन्छ भन्ने यकिन हुन सकेको छैन ।

मन्त्रिपरिषदले फाइल स्वीकृत गरेकै ४ महिनाभन्दा बढी भएको आयोजनाले जनाएको छ । द्विवेदीका अनुसार विभागबाट स्वीकृत भएर जिल्ला वन कार्यलयमा आएपछि मात्र रुख काट्ने काम अघि बढाउन सकिन्छ ।

कोरिडोरको काम ३ खण्डमा विभाजन गरी निर्माण सुरु गरिएको थियो । पहिलो पहिलो खण्ड इलामको गोदकदेखि झापाको दमकसम्मको काम पूरा भएको ३ वर्षसम्म भइसकेको छ । अहिलेसम्म दोस्रो खण्ड सकिएको छैन ।

४२.४३ किलोमिटर लामो दोस्रो खण्ड (सोयाग–थापाटार) मा १ सय २५ वटा टावर निर्माण भएका छन् । १३ किलोमिटर लामो तेस्रो खण्ड (थापाटार–काबेली) मा ४० वटा टावर निर्माण गरिएको छ ।

कोरिडोर समयमा पूरा नभए यस क्षेत्रमा निर्माण भईरहेका करिब ७७ मेगावाट आयोजनाको विद्युत खेर जानेछ । जसमा १४.९ मेगावाटको हेवाखोला, २७ मेगावाटको काबेली–बी १, २२ मेगावाटको तल्लो हेवा र ९.९ मेगावाटको इवाखोला जलविद्युत आयोजना खेर जानेछ ।

प्रतिक्रिया दिनुहोस

sidebar1
sidebar2
sidebar3
sidebar4
sidebar5
sidebar6
sidebar7

हामीसँग जाेडिनुहाेस्


data-href="