Urja Khabar - Nepal's No. 1 energy based online portal.

body1

विद्युत आपूर्ति

  • प्राधिकरण :९३७४ मे.वा. घन्टा
  • निजी क्षेत्र : १०२६० मे.वा. घन्टा
  • भारत : ६८६६ मे.वा. घन्टा
  • ट्रिपिङ : ९० मे.वा. घन्टा
  • माग : मे.वा. घन्टा
  • स्रोत : ने.वि.प्रा.
after_navbar

प्राधिकरणका ४ लाख ग्राहक थपिए, २ करोडमा विद्युतीय पहुँच

ऊर्जा खबर श्रावण २८, २०७६   2925

खबर



काठमाडौं- नेपाल विद्युत प्राधिकरणको विद्युत सेवा लिने ४ लाख नयाँ ग्राहक थपिएका छन् । एक वर्षको अवधिमा विद्युतीकरण विस्तारपछि राष्ट्रिय प्रसारण प्रणालीको सेवा लिने ग्राहककाे संख्या बढेकाे हाे ।

ad

२०७६ साउनसम्मको तथ्याङ्कअनुसार नयाँ ग्राहक थपिएपछि विद्युतीय पहुँच पुग्ने ग्राहकको संख्या ३९ लाख ९ हजार पुगेको प्राधिकरणले जनाएको छ । अहिले करिब १२ सय मेगावाट विद्युत राष्ट्रिय प्रसारण प्रणालीमा जोडिँदा प्राधिकरणले विद्युतीय संरचना निर्माण गरी सेवा नपुगेको क्षेत्रमा विद्युतीकरण गरेर  ग्राहक संख्या बढाएको हो ।

सामुदायिक विद्युतीकरणको सेवा लिने ग्राहकको संख्या ५ लाख छ । प्राधिकरण र सामुदायिकको गरी अब ४४ लाख ९ हजार घरधुरमा विद्युत जोडिएको छ ।

प्राधिकरणका अनुसार अब कूल जनसंख्याको ६४ प्रतिशत अर्थात करिब २ करोड २० लाख जनतामा विद्युतीय पहुँच पुगेको छ । ३६ प्रतिशत अर्थात करिब ८० लाख जनता अझै परम्परागत ऊर्जाका स्रोतको उपयोग गरिरहेका छन् ।

राष्ट्रिय प्रसारण प्रणालीको विद्युतीय पहुँच नपुगेको क्षेत्रमा नवीकरणीय ऊर्जा प्रविधि पुर्याएर विद्युतीकरण गर्ने सरकारको लक्ष्य छ । राष्ट्रिय प्रसारण प्रणाली नपुगेका दुर्गम क्षेत्रका करिब १८ प्रतिशत जनताले नवीकरणीय ऊर्जाका स्रोतको उपयोग गरेर विद्युत सेवा लिइरहेका छन् ।

प्रतिक्रिया दिनुहोस

sidebar1
sidebar2
sidebar3
sidebar4
sidebar5
sidebar7

हामीसँग जाेडिनुहाेस्


data-href="