ऊर्जा खबर
काठमाडौं । शिखर पावर डेभलपमेन्ट लिमिटेडले ६.०५ मेगावाटको तल्लाे भिम खोला क्यासकेड निर्माण गर्ने भएकाे छ । कम्पनीले गण्डकी प्रदेशकाे बाग्लुङ जिल्लाको बडीगाड गाउँपालिका वडा नम्बर ७ मा पहिचान भएको आयोजना अघि बढाउन लागेकाे हाे ।
कम्पनी अध्ययन पूरा भएकाे आयाेजनाकाे निर्माण अनुमतिका लागि विद्युत विकास विभागमा आवेदन दिएको छ । विभागले यस आयोजना निर्माण गर्दा पर्ने असरको विषयमा सरोकारवालासँग राय/सुझाव मागेकाे छ । विभागले ३५ दिने सूचना जारी गर्दै उक्त अवधिभित्र सुझाव दिन आग्रह गरेको हो ।
कम्पनीले निर्माण गर्न लागेको आयोजनाको संरचनाहरू भिम खोलाको दायाँ किनारामा रहनेछ । नदी बहावमा आधारित (रन अफ रिभर) प्रकारको आयोजनाबाट वार्षिक सरदर ३४.३६ गिगावाट घण्टा विद्युत उत्पादन हुने अध्ययनले देखाएको छ ।
डिजाइन बहाव अनु्सारको पानीलाई पेनस्टक पाइप हुँदै २३ मिटर लम्बाई , १८ मिटर चौडाई र १५.५ मिटर उचाईको सतही विद्युतगृहमा पुर्रयाइनेछ । विद्यतगृह नजिकै स्वीचयार्ड निर्माण गरी उत्पादित ऊर्जालाई भतेर चौर स्थित ३३ केभी प्रसारण मार्फत बाग्लुङको बुर्तिबाङमा निर्माणाधीन नेपाल विद्युत प्राधिकरणको सबस्टेसनमा जोडी राष्ट्रिय प्रसारण प्रणालीमा समाहित गरिनेछ ।
यो आयोजनाबाट २०८१ मंसीरसम्ममा विद्युत उत्पादन गर्ने लक्ष्य कम्पनीकाे छ । आयोजना निर्माण तथा सञ्चालन गर्दा भू–क्षय, बाढी, वायु प्रदुषणद्वारा वातावरणमा उल्लेखनीय आसर नपर्ने गरी निर्माण गरिनेछ ।
.jpg)
