ऊर्जा खबर
काठमाडाैं । नेपाल आयल निगमले खाना पकाउने एलपी ग्यासको मूल्यमा एकैपटक प्रतिसिलिन्डर २३५ रुपैयाँ वृद्धि गरेको छ। निगमले शुक्रबार (भदाै १५ गते) देखि लागू हुनेगरी मूल्य बढाएको हो ।
इन्डियन आयल कर्पोरेशन (आइओसी) बाट मूल्य बढेर आएकाले समायोजन गरिएको निगमले जनाएको छ । बढेको मूल्य अनुसार ग्यास प्रतिसिलिन्डर अब १८९५ रुपैयाँ कायम भएकाे छ । यसअघि १६६० रुपैयाँ थियो ।
यसैगरी, निगमले पेट्रोल,
डिजल र मट्टितेलको भाउ पनि बढाएको छ । पेट्रोलमा प्रतिलिटर ४ र डिजल तथा मट्टितेलमा ३ रुपैयाँले बढाएको निगमले जनाएकाे छ । काठमाडौंमा पेट्रोल प्रतिलिटर १८२ र डिजेल/मट्टितेल प्रतिलिटर १७० पुगेको छ । यसअघि पेट्रोल १७८ र डिजेल/मट्टितेल १६७ रुपैयाँ थियो ।
निगमका अनुसार आइओसीबाट पेट्रोल र डिजलमा क्रमशः ३.१७ रुपैयाँ र २.४८ रुपैयाँ मूल्य बढेर आएको छ । यस्तै, ग्यासमा १८६ रुपैयाँ मूल्य बढेर आएको हो ।
