पनौती फिडरको विद्युत सेवा अवरुद्ध

काठमाडौं । नेपाल विद्युत प्राधिकरणले पनौती फिडरबाट वितरण हुने विद्युत सेवा बन्द गरेको छ । प्राधिकरण काभ्रे वितरण केन्द्रले सडक विस्तारकाे काम भइरहेकाले सेवा बन्द गरेको हो ।

सोमबार(आज) बिहान ९ बजेदेखि सेवा बन्द भएकाे केन्द्रले जनाएको छ । केन्द्रकाअनुसार चौकोट, धालमले, पनौती बजार, कुशादेवी, रोशी बजार, माल्पी, जोरघट्टे, कलाती, मानेदोभान, खड्कगाँउ, बोहोरेलगायतका क्षेत्रमा सडक विस्तारकाे काम भइरहेकाले ८ घन्टाका लागि सेवा अवरुद्ध गरिएकाे हाे । 

अवरुद्व विद्युत सेवा साँझ ५ बजेबाट सुचारु हुनेछ । पनौती फिडर बन्द हुँदा ठाडोबाटो देखि दुधमीलसम्म लगायतका आसपासको क्षेत्र र रोशी बजार तथा क्रशरलगायतका क्षेत्र प्रभावित हुने केन्द्रले जनाएको छ । कार्य निर्धारित समयअगावै सम्पन्न भएमा सो समय भन्दा अगावै लाइन सुचारु गरिनेछ ।