ऊर्जा खबर
काठमाडौं । मकर जितुमाया सुरी हाइड्रो पावर लिमिटेडको सेयर आवेदन खुल्ला भएको छ । कम्पनीले सर्वसाधारणका लागि छुट्याएको १३ लाख कित्ता सेयर आवेदन खुल्ला गरेको हो ।
जारी पूँजी ७६ करोडको ३० प्रतिशत अर्थात २२ करोड ८० लाख रकम बराबरको सय रुपैयाँ अंकित २२ लाख ८० हजार कित्ता साधारण सेयर निष्कासन गर्न लागेको कम्पनीले जनाएको छ । कम्पनीका अनुसार निष्कासित सेयरमध्येको ५ प्रतिशत हुन आउने अर्थात ८० हजार ७० कित्ता सेयर सामूहिक लगानी कोषको लागि, २ प्रतिशत हुन आउने अर्थात ३२ हजार २८ कित्ता सेयर कम्पनीको कर्मचारीका लागी छुट्याएको र बाँकी रहेको १३ लाख ३७ हजार ३०२ कित्ता सेयर सर्वसाधारणका लागि निष्कासन गरिएको हो ।
सर्वसाधारणले न्यूनतम १० कित्तादेखि अधिकतम १० हजार कित्ता सम्म आवेदन दिन पाउनेछन् । आवेदकले छिटोमा चैत २२ गतेसम्म र ढिलोमा बैशाख ३ गतेसम्म आवेदन दिन पाउनेछन् ।
कम्पनीले पहिलो चरणमा प्रभावित स्थानीय र वैदेशिक रोजगारीमा गएका नेपाली नागरिकका लागि निष्कासन तथा बाँडफाँड गरी दोस्रो चरणमा सर्वसाधारणका लागि निष्कासन गरिएको हो । कम्पनीको दोलखामा ७ मेगावाटको सुरी खोला जलविद्युत आयोजना सञ्चालनमा छ ।
