ऊर्जा खबर
सुर्खेत । कर्णाली प्रदेश जलस्रोत तथा ऊर्जा विकास मन्त्रालयले हालसम्म १ हजार २७३ आआयोजना अगाडि बढाएको छ । ती मध्ये २५७ आआयोजना सम्झौता हुन बाँकी छन् ।
मन्त्रालयका अनुसार रुकुम पश्चिम र सुर्खेत आआयोजना कार्यान्वनमा सबैभन्दा कमजोर देखिएका छन् । रुकुम पश्चिममा १६४ आआयोजनामा ११७ आयोजना सम्झौता भएको मन्त्रालयका सूचना अधिकारी विपिन ज्ञवालीले जानकारी दिए । प्रदेश राजधानी सुर्खेतमा १६१ आयोजनामा १२४ आयोजना सम्झौता भएका छन् ।
रुकुम पश्चिमको भौतिक प्रगति २० प्रतिशत र सुर्खेतको २५ प्रतिशत मात्र छ । दैलेखमा हालसम्म १४५ मा १२० आयोजना सम्झौता भइ काम भइरहेको छ भने २५ आयोजना सम्झौता हुन बाँकी छ । जुम्लामा १०४ आयोजनामा हालसम्म ८७ आयोजनाको सम्झौता भएर काम भइरहेको छ ।
कालिकोटमा १५० आयोजनामा १३१ आयोजना सम्झौता भएका छन् । सल्यानमा ९९ आयोजनामा ८३ आयोजना सम्झौता भएका छन् । जाजरकोटमा ११० आयोजनामा ९१ आयोजनाको काम सुरु भएको छ । हुम्लामा १४८ आयोजनामा १०६ आयोजनाको काम तीव्र रूपमा अघि बढेको छ ।
सडक सञ्जालसँग नजोडिएको हुम्लामा हालसम्म ४२ आयोजना पाइपलाइनमा रहेको खानेपानी सिँचाइ तथा ऊर्जा विकास कार्यालय प्रमुख ज्वालाराज शाहीले बताउँछन् । सडक सञ्जालसँग जोडिएको भए पनि उपल्लो डोल्पामा हिमपातलगायत कारण चिसो हुँदा काम गर्न मुस्किल हुने गर्दछ । मुगुका १०५ वटा आयोजनामा हालसम्म ८४ आयोजना सम्झौता भएका छन् ।
मन्त्रालयको भौतिक प्रगति हालसम्म २७ प्रतिशत छ । प्रगति कमजोर हुँदा मन्त्रालयको उद्देश्य पूरा नहुने सम्भावना बढेको छ । जलस्रोत तथा ऊर्जा विकास मन्त्री विजया बुढाले त्रैमासिक रूपमा कामको विवरण लिने गरेको बताइन् । कर्णालीका मुख्यमन्त्री यामलाल कँडेलले बजेट कार्यान्वन गर्न निर्देशन दिएका छन् ।
विकास बजेटमा खर्च बढाउन मन्त्री बुढा र मुख्यमन्त्री कँडेलले मातहतका निकायलाई काममा गति बढाउन निर्देशन दिएका छन् । मन्त्रालयका प्रवक्ता एवं सिनियर डिभिजनल इन्जिनियर (सिडिइ) पदमराज देवकोटाले केही आयोजनामा विवाद तथा कार्यालय प्रमुख परिवर्तन हुँदा ढिला भएको जानकारी दिए । केही दोहारिएकाले पनि समस्या आएको उनको भनाइ छ ।
.jpg)
