ग्लोबल बैंक र त्रिवेणी मोटोकर्पबीच विद्युतीय सवारी कर्जामा सम्झौता

काठमाडौँ । ग्लोबल आइएमई बैंक र त्रिवेणी मोटोकर्प प्राली बीच विद्युतीय सवारी कर्जासम्बन्धी सम्झौता भएको हो । बैंक र कम्पनीबीच आज बिहीबार उक्त विषयमा सम्झौता भएको छ ।   

बैंकका साना, मझौला तथा खुद्रा एवंम कृषि कर्जा विभाग प्रमुख नरहरि सिलवाल  र त्रिवेणी मोटोकर्पका वरिष्ठ महाप्रबनधक अनुज कुमार गोयलले समझदारी पत्रमा हस्ताक्षर गरेका हुन् । 

उक्त पत्रमा बैंकले त्रिवेणी मोटोकर्प प्राली तथा उक्त कम्पनीका आधिकारिक बिक्रेताले बिक्री गर्ने विद्युतीय सवारी साधन खरिदका लागि सस्तो व्याजदरमा छिटो, छरितो र सहज कर्जा प्रवाह गर्ने जनाकारी दिइएको छ ।

बैंकले ग्रिन फाइनान्सिङ प्रवद्र्धन गर्न विद्युतीय सवारी साधनलाई सर्वसुलभ व्याजदरमा कर्जा प्रवाह गर्दै आएको छ । साथै बैंकले ‘अटा लोन’ तथा व्यवसायिक प्रयोजनका लागि ‘हायर पर्चेज’ कर्जा प्रवाह र विभिन्न किसिमका समयसान्दर्भिक योजना ल्याइ ग्राहकहरूलाई लावान्भित गर्दै आइरहेको समेत बैंकले बताएको छ । 

ग्लोबल आइएमई बैंक मुलुकको सतहत्तरै जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो ।