रामेछाप वितरण केन्द्रको डेढ करोड बक्यौता उठाउन बाँकी

काठमाडौं । ग्राहकले नियमित विद्युत महसुल नतिर्दा नेपाल विद्युत प्राधिकरण रामेछाप वितरण केन्द्रको बाँकी बक्यौता डेढ करोड रुपैयाँ पुगेको छ । वर्षौंदेखि ग्राहकले विद्युत महसुल नतिर्दा वितरण केन्द्रको बक्यौता बढ्दै गएको हो ।

लामो समयदेखि विद्युत महशुल नबुझाउने ग्राहकको करिब १ करोड ६६ लाख ४ हजार रुपैयाँ विद्युत महशुल बक्यौता उठाउन बाँकी रहेको वितरण केन्द्र आयोग प्रमुख रानु कुमार पाण्डेले बताए । उनका अनुसार बक्यौता नबुझाउनेमा औद्योगिक, व्यापारीक र खानेपानी संथानको बढी रहेको छ । खानेपानी संस्थानको करिब ५० लाख बढी बक्यौता बाकी छ ।

उठ्न बाँकी बक्यौता धेरै भएपछि वितरण केन्द्रले महसुल नतिर्ने ग्राहकको लाइन काटेर कारबाही गर्दै आएको छ । विश्वव्यापी महामारी रुपमा फैलिएको कोभिड–१९ का कारण भएको निषेधाज्ञाको समयमा लाइन नकाटिएपनि अब निषेधाज्ञा खुकुलो भएकोले लाइन काटेर बाँकी बक्यौता असुली गरिनेछ । विद्युत बक्यौता बढ्दै गएपछि लाइन काटेर जरिवानासहित असुल्ने अभियानलाई तीव्रता दिइनेछ ।

केन्द्र अन्तर्गत भएको करिब काठको पोलमध्ये ९९ प्रतिशत काठको पोल हटाएर सिमेन्ट वा स्टीलका पाले राखिएको केन्द्रका सुपरभाइजर रमेश मनी चौधरीले बताए । केन्द्र अन्तर्गत झण्डै ७ हजार बढी काठका पोल थिए ।