ऊर्जा खबर
.jpg)
काठमाडौं । अप्पर तामाकोसी हाइड्रो पावर लिमिटडले हकप्रद सेयर निष्कासन गर्न नेपाल धिताेपत्र बोर्डमा आवेदन दिएको छ । कम्पनीले आफ्ना सेयरधनी सदस्यहरूलाई १ः१ को अनुपातमा हकप्रद सेयर निष्कासन गर्न अनुमतिका लागि फागुन १८ गते आवेदन दिएको हो ।
विद्युत नियमन आयोगबाट अनुमति पाएपछि सेयर निष्कासन अनुमतिका लागि बोर्डमा आवेदन दिएको कम्पनीले जनाएको छ । कम्पनीका अनुसार बोर्डबाट अनुमति पाउने लगतै आफ्ना सेयरधनी सदस्यलाई सेयर निष्कासन गरी बाँडफाँड गरिनेछ ।
कम्पनीको हाल चुक्त पूँजी १० अर्ब ५९ करोड रूपैयाँ बराबरकाे १० करोड ५९ लाख कित्ता हकप्रद सेयर निष्कासन गर्न लागेको हो । कम्पनीको सेयर निष्कासन गरी बाँडफाँड गर्न सनराइज क्यापिटल लिमिटेडलाई बिक्री प्रबन्धक तोकिएको छ ।
हकप्रद सेयर निष्कासनपश्चात संकलन भएको पूँजी र माथिल्लो तामाकोसी जलविद्युत केन्द्रबाट भएको आम्दानी २० मेगावाटको रोल्वालिङ, ९९ मेगावाटको माथिल्लो तामाकोसी ५ र अन्य आयोजनामा लगानी गरिने कम्पनीले जनाएको छ । हकप्रद सेयर जारी गरेपछि कम्पनीको चुक्ता पूँजी २१ अर्ब १८ करोड २०० रुपैयाँ हुनेछ । कम्पनीको दोलखामा ४५६ मेगावाटमो माथिल्लो तामाकोसी जलविद्युत आयोजना सञ्चालनमा छ ।
.jpg)
