विद्युत आपूर्त : प्राधिकरण :५१६३ मे.वा.घन्टा / निजी क्षेत्र :४७०५ मे.वा.घन्टा / आयात : १३८८४ मे.वा.घन्टा / ट्रिपिङ :१२० मे.वा.घन्टा / ऊर्जा माग :२३८७२ मे.वा.घन्टा/ उच्च माग :१३१९ मेगावाट
×

डेढ वर्षपछि शर्माको पुनः बैंकिङ क्षेत्रमा आगमन, सनराइज बैंकको जिम्मेवारी

२०७७ माघ २८

काठमाडौं । सनराइज बैंक लिमिटेडको प्रमुख कार्यकारी अधिकृतमा बैंकर सुमन शर्मा नियुक्त भएका छन् । यसअघि उक्त जिम्मेवारीमा रहेका जनक शर्मा पौड्यालले पदबाट दिएको राजीनामा स्वीकृत भएसँगै शर्मालाई नियुक्ति गरिएको हो ।

४ वर्षका लागि नियुक्त भएका शर्माले बुधबारदेखि नै आफ्नो कार्यभार सम्हालेका छन् । यसअघि माछापुछ्रे बैंकमा प्रमुख कार्यकारी अधिकृत भइसकेका शर्मा बैंकिङ जगतमा स्वच्छ छवी बनाएका सक्षम बैंकरको रूपमा चिनिन्छन् । उनले २०७६ भदौ २८ गते माछापुछ्रे बैंक छाडेका थिए ।

त्यसयता कुनै पनि क्षेत्रमा काम नगरेका उनले लगानी बोर्ड र नेपाल इन्फ्रास्ट्रक्चर बैंकको प्रमुख कार्यकारी अधिकृतका लागि आवेदन दिएका थिए ।
माछापुछ्रे बैंकको प्रमुख कार्यकारी अधिकृत हुनुअघि शर्मा ग्लोबल आइएमई बैंकको जिम्मेवारीमा थिए । त्यसअघि पनि उनले माछापुछ्रे बैंकको विभिन्न जिम्मेवारीमा रहेर काम गरेका थिए । उनले एनएमबी बैंकमा पनि सहायक महाप्रबन्धक भएर काम गरेका थिए । करिब २२ वर्ष बैंकिङ क्षेत्रमा काम गरिसकेका शर्माले सन् १९९७ मा नेपाल एसबिआई बैंकमा अधिकृतस्तरबाट करिअर सुरु गरेका थिए ।

प्रतिक्रिया