ऊर्जा खबर
.png)
काठमाडाैं । अरुण काबेली पावर लिमिटेडले भदौ ८ गतेदेखि हकप्रद सेयर बिक्री गर्ने भएको छ । कम्पनीले कायम चुक्ता पुँजीकाे शतप्रतिशत हकप्रद सेयर निष्कासन गर्न लागेकाे हाे ।
कम्पनीले १ अर्ब ८५ करोड ५२ लाख १० हजार ५ सय रुपैयाँ बराबरको १ करोड ८५ लाख ५२ हजार १ सय ५ कित्ता हकप्रद शेयर निष्कासन गर्ने तयारी गरेकाे हाे । सेयरधनी सदस्यले भदौ २८ गतेसम्म आवेदन दिन सक्नेछन् ।
कम्पनीले हकप्रद शेयर निष्कासनबाट संकलन भएको रकममध्ये ६५ करोड ५२ लाख रुपैयाँ काबेली बि-१ जलविद्युत आयोजना निर्माणका लागि बैंकबाट लिएको दिर्घकालिन ऋण आंशिक तिर्न तथा १२० करोड रुपैयाँ काबेली इनर्जी लिमिटेडले निर्माण गरी काबेली ए जलविद्युत आयोजनामा स्वपूँजी लगानी गर्ने योजना रहेको छ ।
कम्पनीले काबेली बि १ जलविद्युत परियोजना निर्माणका लागि नेपाल इन्भेष्टमेन्ट मेगा बैंकबाट ३६० करोड रुपैयाँ दिर्घकालिन ऋण प्राप्त गरेको थियो । सोमध्ये ३१० करोड रुपैयाँ कर्जा तिर्न बाँकी रहेको कम्पनीले बताएको छ ।
