ऊर्जा खबर
काठमाडौं । नेपाल विद्युत प्राधिकरणले देशभरका सबै विद्युत महसुल काउन्टर ५ दिनका लागि बन्द गर्ने भएकाे छ । प्राधिकरणले समायाेजन भएकाे विद्युत महसुलकाे बिलिङ प्रणाली मिलाउन महसुल संकलन हुने काउन्टरहरू बन्द गर्न लागेकाे हाे ।
परिवर्तित नयाँ विद्युत महसुल दरकाे एम–पावर बिलिङ प्रणाली लागु गर्न त्यसकाे अद्यावधिक गर्नु पर्ने हुँदा काउन्टरबाट दिइने सेवा अवरूद्ध हुने प्राधिकरणले जनाएकाे छ । प्राधिकरणका अनुसार विद्युत महसुल काउन्टरहरू पुस १ देखि ५ गतेसम्म बन्द हुनेछन् ।
एम–पावर बिलिङ प्रणाली लागु गर्न तथ्यांककाे अद्यावधिक गर्ने कार्य पूरा भएपछि ५ गतेदेखि सबै वितरण केन्द्रका महसुल काउन्टरहरूबाट नियमित सेवा सुचारु हुने प्राधिकरणले जनाएकाे छ । विद्युत नियमन आयोगकाे गत कात्तिक ८ गते विद्युतकाे महसुल दर समायाेजन गरेकाे थियाे । आयोगले सबै वर्गका ग्राहकले लाभ पाउने गरी विद्युत महसुल समायाेजन गरेकाे थियाे ।
समायाेजित महसुल दर मंसिर महिनाबाट लागु भएकाे छ । प्राधिकरणले पुस महिनामा ग्राहकलाई समायाेजन भएकाे दर अनुसार खपत भएकाे विद्युत महसुलकाे बिल दिनेछ ।
प्राधिकरणका वितरण केन्द्रहरूले निषेधाज्ञा खुलेपछि विद्युत महसुल संकलन कार्यलाई तीव्र पारेका थिए । महसुल तिर्न अटेरी गर्ने ग्राहकको लाइन काटेर असुल्ने कार्य पनि भइरहेको छ ।
