• प्राधिकरण : ९८०४ मे.वा.घन्टा
  • सहायक कम्पनी : ६७७९ मे.वा.घन्टा
  • निजी क्षेत्र : १३२५० मे.वा.घन्टा
  • आयात : २८७ मे.वा.घन्टा
  • निर्यात : ७१२ मे.वा.घन्टा
  • ट्रिपिङ : मे.वा.घन्टा
  • ऊर्जा माग : ३०१२७ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १५१८ मे.वा.
×

हेटौंडा–परवानीपुर प्रसारण लाइन तिन दिन बन्द हुने

२०७८ भदौ २९

काठमाडौं । नेपाल विद्युत प्राधिकरणले हेटौंडा क्षेत्रको विद्युत सेवा तिन दिन बन्द गर्ने भएको छ । प्राधिकरणले ६६ केभी हेटौडा–परवानीपुर प्रसारण लाइनमा नयाँ टावर थप गर्न र पुरानो कन्डक्टर बदली गर्नका लागि सेवा बन्द गर्न लागेको हो ।

नेपाल सरकार र प्राधिकरणको सयुक्त लगानीमा सञ्चालित यस डबल सर्किट प्रसारण लाइनको टावर नम्बर ३०२ देखि ३१० दुँदै टावर नम्बर ३१४ र ३१५ को बिचमा ५ वटा नयाँ टावर थप गर्नुपर्ने र पुरानो कन्डक्टर निकाली बढी क्षमताको कन्डक्टर तान्ने काम भएकोले सेवा बन्द गर्न लागिएको प्राधिकरणले जनाएको छ । प्राधिकरणका अनुसार सो काम सम्पन्न गर्न ९ दिन लाग्छ ।

काम गर्न लागिएको सेक्सनलाई अगल गरी अन्यत्र विद्युत प्रवाह गर्न जम्पर खोल्ने/लगाउने कार्यका लागि लाइनको सेवा ३० गते (बुधबार), २ गते (शनिबार) र ७ गते (बिहीबार) बन्द गरिनेछ ।

बुधबार (भोली) हेटौडा सबस्टेसनको परवानीपुर फिडर–१ र परवानीपुर सबस्टेसनको हेटौडा फिडर–१ र २ को सेवा बिहान ७ बजेदेखि १० बजेसम्म बन्द हुनेछ । यस्तै, २ गते (शनिबार) परवानीपुर फिडर–१ र हेटौडा फिडर–२ वाट वितरण हुने विद्युत सेवा बेलुका ३ बजेदेखि ५ बजेसम्म अवरुद्ध हुनेछ ।

असोज ७ गते (बिहीबार) परवानीपुर फिडर–१ र हेटौडा फिडर–१ र २ बाट वितरण भएको विद्युत सेवा दिउसो २ बजेदेखि ५ बजेसम्म बन्द हुनेछ । यस आयोजनाबाट सटडाउन अवधिभित्र गरिनुपर्ने सम्पूर्ण कार्यहरू सम्पन्न गर्न यथाशक्य प्रयास गरिने उल्लेख छ ।

सटडाउन अवधिभित्र गर्नुपर्ने कार्यहरू कठिन रहेकाले २ गते बेलुकी ५ बजेसम्म सम्पूर्ण कार्य सम्पन्न हुन नसकेमा मात्र प्रसारण लाइनको सटडाउन अवधि बढ्न सक्ने प्राधिकरणले जनाएको छ ।

साथै, जगदम्बा इन्टरप्राइजेजको भदौ ३० गते (बुधबार) देखि असोज २ गतेसम्म (३ दिन) र त्रिवेणी स्पिनिङ मिल्सको असोज ३ गतेदेखि ५ गतेसम्म (५ दिन) विद्यूत आपूर्ति बन्द हुनेछ ।

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit