• प्राधिकरण : ९८०४ मे.वा.घन्टा
  • सहायक कम्पनी : ६७७९ मे.वा.घन्टा
  • निजी क्षेत्र : १३२५० मे.वा.घन्टा
  • आयात : २८७ मे.वा.घन्टा
  • निर्यात : ७१२ मे.वा.घन्टा
  • ट्रिपिङ : मे.वा.घन्टा
  • ऊर्जा माग : ३०१२७ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १५१८ मे.वा.
×

प्राधिकरणका उप–प्रबन्धकदेखि इन्जिनियरसम्मका ११८ कर्मचारीको सरुवा

२०७८ भदौ २९

काठमाडौं । नेपाल विद्युत प्राधिकरणले विभिन्न तहमा कार्यरत १ सय १८ कर्मचारीको सरुवा गरेको छ । प्राधिकरणले भदौ २८ (सोमबार) को निर्णय अनुसार उप–प्रबन्धक (९ तह) देखि इन्जिनियर (७ तह) सम्मका कर्मचारीको सरुवा गरेको हो ।

सरुवा हुनेमा ९ जना उप–प्रबन्धक रहेको प्राधिकरणले जनाएको छ । प्राधिकरणका अनुसार विराटनगर वितरण केन्द्रका मिथिलेश कुमार गोहीबारलाई घोराही वितरण केन्द्रमा सरुवा गरि जिम्मेवारी तोकिएको छ ।

यस्तै, भैरहवाका जितेन्द्र कुमार झालाई विरगञ्ज वितरण केन्द्रमा, विरगञ्जका शम्भु कुशियैत यादवलाई प्रदेश नम्बर १ प्रादेशिक कार्यालय, विराटनगरमा सरुवा गरिएको छ । प्रदेश नम्बर ३ प्रादेशिक कार्यालय काठमाडौंका सूर्य नारायण मण्डललाई धनगढी वितरण केन्द्रमा, जनकपुरको रामप्रसाद शाहलाई परासी वितरण केन्द्रमा, वितरण तथा ग्राहक निर्देशनालयको मनोज कुमार यादवलाई पुल्चोक वितरण केन्द्रमा सरुवा गरिएको छ ।

राजविराजको अमोद कुमार यादवलाई प्रदेश नम्बर १ प्रादेशिक कार्यलय विराटनगरमा, लेखनाथको परितोष कुमार चौधरीलाई बागमती प्रदेशको प्रादेशिक कार्यालय काठमाडौंमा र प्रादेशिक कार्यालय विराटनगरका धिरेन्द्र कुमार यादवलाई भद्रपुर वितरण केन्द्रमा सरुवा गरिएको छ ।

सोमबार नै ८ तह (सहायक प्रबन्धक) ३७ कर्मचारीको सरुवा गरिएको छ । ७ तह (इन्जिनियर) सबैभन्दा बढी ७२ कर्मचारी सरुवा भएको प्राधिकरण कर्मचारी प्रशासन महाशाखाले जानकारी दिएको छ ।

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit