ऊर्जा खबर
काठमाडौं । अपि पावर कम्पनीले १ करोड ८६ लाख कित्ता हकप्रद सेयर निष्कासन गर्ने भएको छ । कम्पनीले संस्थापक वा आफ्नो सेयरधनी सदस्यलाई हकप्रद सेयर निष्कासन गर्न लागेको हो ।
सय रुपैयाँमा अंकित १ अर्ब ८६ करोड रुपैयाँ बराबरको हकप्रद सेयर निष्कासन गर्न लागिएको कम्पनीले जनाएको छ । कम्पनीका अनुसार सेयरधनीका लागि चुक्ता पूँजीको १०ः३.९३६ अनुपातको सेयर निष्कासन गर्न लागेको हो ।
कम्पनीले नेपाल धितोपत्र बोर्डमा सेयर निष्कासन अनुमति पाइसकेको छ । अब, छिट्टै सेयर निष्कासन गरी बाँडफाँड गर्ने कम्पनीले जनाएको छ । कम्पनीले सेयर निष्कासन गरी बाँडफाँड गर्न मुक्तिनाथ क्यापिटललाई बिक्री प्रबन्धक तोकेको छ ।
कम्पनीले निर्माण गरेको साढे १६ मेगावाटको नौगाड र माथिल्लो नौगाड जलविद्युत आयोजना सञ्चालनमा छन् । ४० मेगावाटको माथिल्लो चमेलिया जलविद्युत आयाजना निर्माणाधीन छ ।
४ मेगावाटको चन्द्रनिहापुर र १ मेगावाटको सौर्य विद्युत आयोजना निर्माण सम्पन्न भई प्रणालीमा जोडिएको छ । १ मेगावाटको सौर्य आयाजनाको काम अन्तिम चरणमा पुगेको छ । कम्पनीले ८ मेगावाटको अर्को सौर्य विद्युत आयोजना निर्माण गर्न बैंक अफ काठमाडौंसँग वित्तीय व्यवस्थापन सम्झौता गरिसकेको छ ।
.jpg)