ऊर्जा खबर
पोखरा । नबिल बैंकले पोखरा शाखामा छैटौँ प्रायोरिटी बैंकिङ लाउञ्ज सञ्चालनमा ल्याएको छ । बैंकका डेपुटी सिइओ आदर्श बजगाईंले एक कार्यक्रमका बिच उक्त लाउन्जको उद्घाटन गरेका हुन् । ग्राहकलाई गुणस्तरीय सेवा दिने प्रतिबद्धताअनुरूप काठमाडौँ उपत्यका बाहिर पहिलोपटक लाउञ्ज सुरु गरिएको बैंकले जनाएको छ । बैंकले यसअघि तीनधारा, ललितपुर, महारागञ्ज, बौद्ध र कौशलटार शाखाबाट यस्तो सुविधा दिँदै आएको थियो ।
लाउन्ज उद्घाटन गर्दै डेपुटी सिइओ बजगाईंले भने, ‘ग्राहकको सुविधालाई ध्यानमा राखेर हामीले प्रायोरिटी बैंकिङ शाखा विस्तार गरेका हौँ । यसबाट हाम्रा ग्राहकले व्यक्तिगत तथा सहजरूपमा उच्चस्तरीय बैंकिङ सेवा अनुभव गर्न पाउने छन् ।’
नबिल प्रायोरिटी बैंकिङ सेवामार्फत ग्राहकले रिलेसनसिप म्यानेजरसँग सम्पर्क गरी सेवा लिन, सहज बैंंकिङ लाउञ्जको पहुँच प्राप्त गर्न, छिटो र छरितो सेवा लिन, वित्तीय समाधान तथा लगानीसम्बन्धी सल्लाहलगायतका सेवा लिनसक्ने जनाइएको छ ।
नबिल प्रायोरिटी बैंकिङसम्बन्धी थप जानकारीका लागि बैंकको वेबसाइटमा लगइन तथा ग्राहक सेवा केन्द्रमा फोन सम्पर्क गर्न सकिनेछ ।
नबिल बैंक नेपालको एक अग्रणी बैंक हो । नबिलले २५ लाखभन्दा बढी सेवाग्राहीहरूलाई देशभरिको २६८ शाखा र ३२१ एटिएममार्फत सेवा प्रदान गर्दै आएको छ ।
.jpg)