ऊर्जा खबर
काठमाडौं । संखुवासभामा ४.२ मेगावाटको माथिल्लो पिलुवा खोला–१ जलविद्युत आयोजना निर्माण गरी सञ्चालन गरिरहेको मेन्छियाम हाइड्रो पावर लिमिटेडले आर्थिक वर्ष (आव) २०७९/८० काे वित्तीय विवरण सार्वजनिक गरेको छ । सार्वजनिक वित्तीय विवरण अनुसार अहिले कम्पनी घाटामा देखिएको हो ।
सार्वजनिक वित्तीय विवरण अनुसार कम्पनी ४ करोड ३८ लाख ७१ हजार ६१ रुपैयाँले घाटामा देखिएको छ । याे कम्पनीले अघिल्लाे वर्ष १ करोड १ लाख ७८ हजार रुपैयाँ घाटामा थियो ।
कम्पनी घाटामा गए पनि विद्युत बिक्रीबाट हुने आम्दानी भने बढेको देखिएको छ । यो अवधिमा कम्पनीले जलविद्युत केन्द्रको विद्युत बिक्री गरी १ करोड ३९ लाख ७२ हजार ८ सय ९१ रुपैयाँ आम्दानी गरेको छ भने गत वर्ष ४ लाख ७८ हजार ८ सय रुपैयाँ आम्दानी गरेको थियो ।
कम्पनीको सर्वसाधारण तथा प्रभावित स्थानीयलाई सेयर निष्कासन गरी बाँडफाँड समेत गरिसकेको छ । हाल कम्पनीले ४.७२ मेगावाटको माथिल्लो पिलुवा खोला–२ जलविद्युत आयोजना निर्माण गरिरहेको छ ।
