images
images
images
  • प्राधिकरण : ९५५६ मे.वा.घन्टा
  • सहायक कम्पनी : ६००३ मे.वा.घन्टा
  • निजी क्षेत्र : १०५३४ मे.वा.घन्टा
  • आयात : मे.वा.घन्टा
  • निर्यात : १३६१ मे.वा.घन्टा
  • ट्रिपिङ : मे.वा.घन्टा
  • ऊर्जा माग : २६०९२ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १४१० मे.वा.
×

प्राधिकरण कर्मचारी संघ कार्यसमितिसँग स्पष्टिकरण माग

२०७८ मङ्सिर ९

काठमाडौं । श्रम तथा रोजगार कार्यालयले नेपाल विद्युत प्राधिकरण कर्मचारी संघका कार्यसमितिका पदाधिकारीसँग स्पष्टिकरण मागेको छ । संघको गत कात्तिक ६ गते सम्पन्न १२औं महाधिवेशनबाट निर्वाचित नयाँ कार्यसमिति संघको विधान र ट्रेय युनियन ऐन विपरित भएको भन्दै असन्तुष्ट बनेको पक्षले उजुरी दिएपछि कार्यालयले स्पष्टिकरण मागेको हो ।

कार्यालयले संघको नाममा पत्र लेखी अध्यक्ष जनार्दन भट्टराईसहित कार्यसमितिमा निर्वाचित सबै पदाधिकारीसँग स्पष्टिकरण मागेको छ । कर्मचारी संघमा आवद्ध केही सदस्यले आवश्यक छानबिन गरी कार्यसमिति विघटन गर्न माग गर्दै उजुरी दिएकाले त्यससम्बन्धमा स्पष्ट पार्न आवश्यक देखिएले ७ दिनभित्र लिखित जवाफ पेश गर्नुपर्ने कार्यालयले लेखेको पत्रमा जनाइएको छ ।

‘केही सदस्यबाट ट्रेड युनियन ऐन र संघको विधान विपरित कार्यसमिति पदाधिकारीको चयन भएको भनी उजुरी आएको छ,’ पत्रमा भनिएको छ,‘सो सम्बन्धमा के कसो भएको हो ? ट्रेड युनियन ऐनमा भएको व्यवस्था अनुसार विधान संशोधन गरिएको हो वा होइन ? यसबारेमा लिखित जवाफ पेश गर्नुहुन अनुरोध छ ।’

संघको महाधिवेशनमा भएको निर्वाचनका सम्बन्धमा पनि स्पष्ट पार्नुपर्ने कार्यालयको पत्रमा जनाइएको छ । संघको १२औं महाधिवेशन ट्रेड युनियन ऐन र संघको विधान विपरित भएको तथा निर्वाचनमा मतदाताको गोप्य मतदान गर्न पाउने मताधिकारको हनन हुने गरी सिसिटिभीमा मतदान प्रक्रिया रेकर्ड गरी त्रास फैलाउने काम भएको भन्दै असन्तुष्ट पक्षले गत मंसिर २ गते कार्यालयमा उजुरी दर्ता गराएको थियो ।

संघको गत कात्तिक ६ गते सम्पन्न महाधिवेशनले भट्टराईको नेतृत्वमा १०१ सदस्यीय कार्यसमिति चयन गरेको थियो । भट्टराई संघको नेतृत्वमा पाँचौं पटक निर्वाचित भएका थिए । मतदान प्रक्रियामा पराजित समूहले निर्वाचन निश्पक्ष र पारदर्शी नभएको भन्दै विरोध जनाउँदै आएको छ ।

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit