ऊर्जा खबर
काठमाडौँ । एनएमबि बैंकले संस्थागत सामाजिक उत्तरदायित्व (सिएसआर) कार्यक्रम अन्तर्गत सुर्खेतको भेरीगङ्गा नगरपालिकामा अपाङ्गता भएका व्यक्तिहरूलाई सहायक सामग्री वितरण गरेको छ । कर्णाली प्रदेश सामाजिक विकास मन्त्रालयको आयोजना तथा करुणा फाउन्डेसन र राष्ट्रिय अपाङ्गता महासङ्घ नेपालको सहकार्यमा सञ्चालन गरिएको ‘अपाङ्गता रूपान्तरण तथा पुनर्स्थापना साझेदारी कार्यक्रम’ अन्तर्गत बैंकले ह्वीलचेयर, एल्बो क्रचेस र अन्य सामग्री वितरण गरेको हो ।
सहायक सामग्री वितरण कार्यक्रममा प्रदेशका सामाजिक विकास मन्त्री घनश्याम भण्डारी, नगर प्रमुख यज्ञप्रसाद ढकाल, नगर उपप्रमुख अनसरा बोहरा, एनएमबि बैंकका लुम्बिनी एरिया म्यानेजर रमेश रेग्मी, सुर्खेत शाखाका प्रबन्धक सुमन सुबेदी लगायतको उपस्थिति रहेको थियो ।
उक्त सामग्री सहायताका लागि एनएमबिले आफ्नो संस्थागत सामाजिक उत्तरदायित्व अन्तर्गत ५ लाख रुपैयाँ सहयोग प्रदान गरेको जनाएको छ ।
एनएमबि बैंकले हाल देशभरि २०२ शाखा, १८४ एटिएम र ९ एक्सटेन्सन काउन्टरमार्फत बैंकिङ सेवा प्रदान गर्दै आएको छ ।
.jpg)
