ऊर्जा खबर
काठमाडौं । काठमाडौं महानगरपालिकाले आर्थिक वर्ष (आव) २०८०/८१ मा १०० हाइमास्ट लाइट जडान गर्ने भएको छ । महानगरपालिका अन्तर्गत विभिन्न मूख्य चोक र क्षेत्रहरूमा जडान गर्न लागिएको हो ।
आइतबार (असार १० गते) महानगरका उपप्रमुख सुनिता डंगोलले बजेट प्रस्तत गर्दै ‘उज्यालो शहर, मेरो महानगर’ योजना अन्तर्गत महानगरका सबै सडक तथा गल्लीमा सडक बत्ती जडान गर्ने बताइन् । यसका लागि महानगरले ३० करोड बजेट विनियोजन गरेको छ ।
यसैगरी, महानगरले वातावरणीय क्षेत्रसँग सम्बन्धित विभागीय कार्यक्रमका लागि ८७ करोड ९३ लाख रुपैयाँ विनियोजन गरेको छ । वायु प्रदुषण, ध्वनी प्रदुषण लगायतका पर्यावरणीय क्षेत्रसँग सम्बन्धित विषयमा विभिन्न अध्ययन एंव अनुसन्धानका लागि रकम विनियोजन गरेको छ ।
