ऊर्जा खबर
काठमाडौँ । वैकल्पिक ऊर्जा प्रवर्द्धन केन्द्रले ३ वटा पदपूर्तिका लागि दरखास्त आह्वान गरेको छ । केन्द्रले इन्जिनिर (तह ७), वरिष्ठ लेखा सहायक (तह ५) र प्रशासन सहायक (तह ४) पदका लागि इच्छुक तथा योग्य उम्मेदवारबाट दरखास्त आह्वान गरेको हो ।
इन्जिनियर पदमा खुला र अन्य दुई पदमा महिला कोटाबाट प्रतिस्पर्धा गराई स्थायी पदपूर्ति गरिने केन्द्रले सूचनामार्फत जानकारी गराइएको छ । त्यस्तै, इन्जिनियर पदका लागि वातावरण इन्जिनियरिङ वा इलेक्ट्रिकल इन्जिनियरिङ वा इलेक्ट्रोनिक्स तथा कम्युनिकेसन इन्जिनियरिङ वा कृषि इन्जिनियरिङ विषयमा कम्तीमा स्नातक तह वा सो सरह उत्तीर्ण गरेको हुनुपर्ने योग्यता तोकिएको छ ।
यसैगरी, लेखा सहायक पदमा दरखास्त दिन मान्यताप्राप्त शिक्षण संस्थाबाट व्यवस्थापन विषयमा प्रवीणता प्रमाणपत्र तह वा सो सरह उत्तीर्ण गरेको हुनुपर्ने तथा प्रशासन सहायकका लागि कुनै विषयमा प्रमाणपत्र तह उत्तीर्ण गरेको हुनुर्ने योग्यता निर्धारण गरिएको छ ।
२१ वर्ष उमेर पूरा गरी ३५ वर्ष ननाघेको नेपाली पुरुष तथा ४० वर्ष ननाघेको महिलाले उम्मेद्वारले २१ दिनभित्र दरखास्त दिन सक्ने केन्द्रले शुक्रबार जारी गरेकाे सूचनामा उल्लेख छ ।
