ऊर्जा खबर
काठमाडौं । बिन्ध्याबासिनी हाइड्रो पावर डेभलपमेन्ट कम्पनीले जेठ २० गतेदेखि साधारण सेयर निष्कासन गर्ने भएको छ । कम्पनीले सर्वसाधरणका लागि छुट्याएको साधारण सेयर निष्कासन गर्न लागेको हो ।
सय रुपैयाँ अंकित १५ करोड रुपैयाँ बराबरको १५ लाख कित्ता साधारण सेयर निष्कासन गर्न लागेको कम्पनीले जनाएको छ । कम्पनीका अनुसार निष्कासन हुने सेयर मध्ये ६० हजार कित्ता अर्थात ४ प्रतिशत कर्मचारीहरुको लागि सुरक्षित गरिएको र ७५ लाख कित्ता अर्थात ५ प्रतिशत सेयर सामूहिक कोषका लागि छुट्याएको छ ।
बाँकी रहेको १३ लाख ५६ हजार कित्ता साधार सेयर सर्वसाधरणका लागि निष्कासन गरिनेछ । सर्वसाधरणले न्यूनतम १० कित्तादेखि अधिकतम १ लाख कित्ता सम्मका लागि आवेदन दिन पाउनेछन् ।
सर्वसाधारणले छिटोमा जेठ २५ गते र ढिलोमा असार ३ गते सम्म आवेदन दिन सक्नेछन् । कम्पनीको सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकिएको छ ।
कम्पनीको २ जलविद्युत आयोजना निर्माण सम्पन्न गरी सञ्चालन गरिरहेको छ । ८.८ मेगावाटको रुदी खोला–ए र ६.६ मेगावाटको रुदी खोला–बी जलविद्युत केन्द्र सञ्चालनमा छ ।
.jpg)
.jpg)
