ऊर्जा खबर
काठमाडौं । चिलिमे इन्जिनियरिङ एन्ड सर्भिसेज कम्पनी लिमिटेड (चेस्को) र हाइड्रो ल्याब नेपालबीच जलस्रोत विकासको प्रवद्र्धन तथा अध्ययन अनुसन्धान गर्ने विषयमा समझदारी भएको छ । केही दिन अगाडि भएको समझदारीमा चेस्कोका प्रमुख कार्यकारी अधिकृत प्रजेशविक्रम थापा र हाइड्रो ल्याबका मेघबहादुर विश्वकर्माले हस्ताक्षर गरेका छन् ।
समझदारी अनुसार दुवै कम्पनीबीच जलस्रोत विकाससँग सम्बन्धित अनुसन्धान गतिविधिको प्रवद्र्धन गर्न प्राविधिक विषेशज्ञ, अनुसन्धान, इन्जिनियरिङ डिजाइन, हेडवक्र्सको भौतिक अध्ययन तथा जलविद्युत् आयोजनासँग सम्बन्धित परामर्श सेवामा सहकार्य हुनेछ । साथै, द्विपक्षीय सहयोग आदानप्रदान गर्ने गरी समझदारी भएको छ ।
यसैगरी, दक्ष जनशक्ति तथा प्रविधिको आदानप्रदान एवं तालिमहरू सञ्चालन गर्ने तथा अन्य सम्बन्धित विषयका विभिन्न राष्ट्रिय तथा अन्तर्राष्ट्रिय संगठनमा समेत सहकार्य गर्न सकिने समझदारीमा उल्लेख छ ।
यस प्रकारको समझदारी अनुुसार काम गर्दा राष्ट्रको जलविद्युत् तथा ऊर्जा क्षेत्रमा थप टेवा पुग्ने चेस्कोका अध्यक्ष सुभाषकुमार मिश्रले बताए । यस्तै, चेस्कोका प्रमुख कार्यकारी अधिकृत थापाले राष्ट्र निर्माणमा प्राविधिक तथा अनुसन्धानात्मक पक्षको मुख्य भूमिका महत्त्वपूर्ण रहने हुँदा समझदारीले विकास निर्माणलाई गति दिने बताए ।
