ऊर्जा खबर
काठमाडौँ । ग्लोबल आइएमई बैंकले ग्रीन आवास कर्जा योजना ल्याएको छ । बैंकले ८.९९ प्रतिशत स्थिर ब्याजदरसहित यो योजना ल्याएको हो । यस कर्जा योजनाअन्तर्गत ७ वर्षसम्मको कर्जा अवधिमा अधिकतम १२ करोड रूपैयाँसम्म कर्जा लिन पाउने व्यवस्था रहेको बैंकले जानकारी दिएको छ ।
बैंकले वातावरणमैत्री गतिविधिहरूलाई उत्प्रेरित गर्ने उद्देश्यले दिगो विकास लक्ष्य अनुरुप विभिन्न बैकिङ्ग सेवा तथा सुविधा प्रदान गर्दै आइरहेको छ । साथै यस योजनामा सहभागी हुने सेवाग्राहीलाई मोबाइल बैंकिङ तथा क्रेडिट कार्डसमेत नि:शुल्क जारी गरिनेसमेत जनाएको छ ।
बैंकका अनुसार इको–फ्रेन्डली भवन र अपार्टमेन्टहरूको निर्माण गर्न, पर्यावरण–मैत्री व्यक्तिगत घर वा आवासीय अपार्टमेन्ट तथा फ्ल्याटहरू खरिद गर्न यो कर्जा लिन सकिन्छ । वातावरणमैत्री उपायहरू अवलम्बन गर्ने क्रममा विद्यमान भवनहरूलाई पर्यावरणमैत्री बनाएर स्तरोन्नति तथा इको–फ्रेन्डली भवनको मर्मतसम्भारका लागि पनि यस कर्जाको उपभोग गर्न सकिनेछ ।
ग्लोबल आइएमई बैंक, सबैका लागि बैंकिङ्ग सेवा प्रदान गर्ने बैंक हो जसले विभिन्न सेवा तथा सुविधासहितका योजना मार्फत् आफ्ना ४६ लाख भन्दा बढी ग्राहकलाई, उत्कृष्ट सेवा प्रदान गरी लाभान्वित गरिरहेको छ ।
.jpg)
