ऊर्जा खबर
काठमाडाैं । भारतीय आयल कर्पोरेसन लिमिटेड (आईओसी) ले नेपाल आयल निगमलाई पेट्रोलियम पदार्थको मूल्य बढाएर पठाएको छ । अन्तर्राष्ट्रिय बजारमा कच्चा तेलको मूल्य बढेपछि आईओसीले मूल्य बढाएर पठाएको हो ।
बुधबार (माघ १८ गते) पठाएको नयाँ सूचीअनुसार पेट्रोल प्रतिलिटर ८.१ रुपैयाँ, डिजेल ७.९८ रुपैयाँ , मट्टितेल ४.६१ रुपैयाँ तथा हवाई इन्धन ७.८० रुपैयाँ बढेर आएको छ । सबैको पेट्रोलियम पदार्थको मूल्य बढ्दा एलपी ग्यासमा भने प्रतिसिलिन्डर ७५ रुपैयाँ घटेर आएको निगमले जनाएको छ ।
अहिलेको मूल्यमा निगमलाई ग्याँसमा प्रति सिलिन्डर २८० रुपैयाँ घाटा रहेको छ। निगमलाई एलपीजीमा मात्र १५ दिनको घाटा ५५ करोड रुपैयाँ छ। विगत तीन महिनादेखि नाफामा रहेको निगमलाई अहिलेकै मूल्यमा पेट्रोलियम पदार्थ बिक्री गर्दा १५ दिनमा ८ करोडभन्दा बढी घाटा लाग्ने निगमले जनाएको छ ।
