रिभर फल्सले स्थानीयका लागि चैत २७ गतेदेखि साधारण सेयर निष्कासन गर्ने

काठमाडौं । रिभर फल्स लिमिटेडले चैत २७ गते आयोजना प्रभावित स्थानीयका लागि साधारण सेयर निष्कासन गर्ने भएको छ । कम्पनीले संखुवासभामा निर्माणााधीन १० मेगावाटको डाउन पिलुवा जलविद्युत आयोजनाको स्थानीयका लागि छुट्याएका साधारण सेयर निष्कासन गर्न लागेको हो ।

सय रुपैयाँमा अंकित ७ करोड रुपैयाँ बराबरको साधारण सेयर निष्कासन गर्न लागिएको कम्पनीले जनाएको छ । कम्पनीका अनुसार स्थानीयले  छिटोमा आगामी २०७९ बैशाख १ गतेसम्म आवेदन दिन पाउनेछन् । ढिलोमा बैशाख २६ गतेसम्म आवेदन दिन सकिने कम्पनीले जनाएको छ । 

स्थानीयले न्यूनतम १० कित्तादेखि अधिकतम १ लाख कित्तासम्मका लागि आवेदन दिन सक्नेछन् । कम्पनीले सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकेको छ । 

कम्पनीले निर्माण गरीरहेको आयोजनाको काम अन्तिम चरणमा छ । २०७० फागुनदेखि नै उत्पादन अनुमति लिई अघि बढेको आयोजनाबाट २०७९ साउनदेखि विद्युत उत्पादन गर्ने लक्ष्य छ ।

आयोजना सम्पन्न गर्न १ अर्ब ८९ करोड ४० लाख रुपैयाँ लागत अनुमान गरिएको छ । आयोजनामा सितीजन्स बैंकको अगुवाईमा नेपाल इन्समेमेन्ट बैंक र प्रभु बैंकको ७० प्रतिशत अर्थात १ अर्ब ३२ करोड रुपैयाँ ऋण लगानी गरेका छन् । बाँकी, ३० प्रतिशत स्वपुँजी लगानी छ ।