ऊर्जा खबर
काठमाडौं । राधी विद्युत कम्पनीले आफ्ना सेयरधनीका लागि १४७.५२ प्रतिशत (१ः१.५२ अनुपात) हकप्रद सेयर निष्कासन गर्ने भएको छ । कम्पनीले हालै घोषणा भएको ३६.५० प्रतिशत बोनस सेयर वितरणपछि हकप्रद सेयर निष्कासन गर्ने भएको हो ।
बोनस सेयर वितरणपछि हुन आउने चुक्ता पुँजी ६४ करोड ६४ लाख ४ हजार ६ सय २२ रुपैयाँको १४७.५२ प्रतिशत सेयर बिक्री गरिने कम्पनीले जनाएको छ । कम्पनीका अनुसार आइतबार बसेको सञ्चालक समितिको बैठकले आफ्ना सेयरधनीका लागि प्रतिकित्ता सय रुपैयाँ अंकित ९५ लाख ३५ हजार ७ सय ६० कित्ता हकप्रद सेयर बिक्रीको प्रस्ताव गरेको हो ।
यो प्रस्ताव कम्पनीको अब हुने वार्षिक साधारणसभाबाट पारित भएपछि हकप्रद सेयर बिक्रीको प्रक्रिया अघि बढाइने भएको छ । यसअघि कम्पनीले गत आर्थिक वर्ष (२०७६/७७) को नाफाबाट करबाहेक ३६.५० प्रतिशत बोनस दिने घोषणा गरेको थियो । आकर्षक बोनस दिने घोषणापछि दोस्रो बजारमा राधीको सेयर मूल्य बढिरहेको छ । राधीको सेयर किन्न लगानीकर्ता आकर्षित भएका छन् ।
कम्पनीले चालू आर्थिक वर्षको ९ महिनामा ६ करोड ३९ लाख रुपैयाँ खुद नाफा कमाएको छ । कम्पनीले लमजुङमा निर्माण गरेको ४ मेगावाटको राधी जलविद्युत आयोजना सञ्चालनमा छ ।
.jpg)
