न्यू खिम्ती-लामोसाँघु प्रसारण लाइन एक महिना बन्द हुने

काठमाडौं । नेपाल विद्युत प्राधिकरणले १३२ केभी न्यू खिम्ती-लामोसाँघु प्रसारण लानइबाट प्रवाह हुने विद्युत सेवा बन्द गर्ने भएको छ । प्राधिकरणले लाइनको पुरानो तथा जिर्ण कन्डक्टर बदली गर्नका लागि कात्तिक १८ गते (शुत्रबार) देखि मंसिर २० गतेसम्मका लागि सेवा बन्द गर्न लागेको हो ।

नेपाल सरकार र प्राधिकरणको सयुक्त लगानीमा सञ्चालित प्रसारण लाइनको कन्डक्टर बदलीका लागि सेवा बन्द गर्न लागेको प्राधिकरणले जनाएको छ । प्राधिकरणका अनुसार विद्युत दैनिक बिहान ८ बजेदेखि साँझ ५ बजेसम्म बन्द हुनेछ ।

यो अवधिमा लाइनको प्रणालीमा विद्युत प्रवाह अनियमित हुने हुँदा विद्यमान न्यू खिम्ती तथा लामोसाँघु ३३ के.भी सबस्टसन र ११ के.भी फिडरमा असर पर्ने सक्ने पनि प्राधिकरणले जनाएको छ । तोकिएको समय अगावै काम सम्पन्न भए निर्धारित समय अगावै सेवा सुरु हुनेछ ।