ऊर्जा खबर
काठमाडौं । नेशनल हाइड्रो पावर कम्पनीले करिब साढे ५८ करोड रुपैयाँ खुद नाफा कमाएको छ । कम्पनीले चालु आर्थिक वर्ष २०७८/७९ को पहिलोे त्रैमाससम्मको अवधिमा सो मुनाफा आर्जन गरेको छ ।
साउनदेखि असोजसम्मको अवधिमा ५८ करोड ७४ लाख ४३ हजार रुपैयाँ खुद नाफा आर्जन गरेको कम्पनीले जनाएको छ । कम्पनीका अनुसार यो गत वर्षको यही समयअवधिमो तुलनामा ५६ करोड ३७ लाख ७८ हजार रुपैयाँ बढी हो । गत वर्ष २ करोड २३ लाख ६५ हजार रुपैयाँ खुद नाफा कमाएको थियो ।
सरकारले तल्लो ४.५ मेगावाटको तल्लो इन्द्रावती जलविद्युत आयोजनाको अनुमतिपत्र प्रतिस्पर्धा गराई बोलकबोलको माध्यमबाट प्रदान गर्ने नीति लिई गराएको प्रतिस्पर्धामा कम्पनीको प्राविधिक तथा आर्थिक प्रस्ताव सर्वाेत्कृष्ट ठहरिएकोले विद्युत विकास विभागले अनुमति पत्र उपलब्ध गराएको छ ।
अनुमति प्राप्त भए पश्चात उक्त आयोजनामा गरिएको लगानीमध्ये ६१ करोड ६२ लाख रुपैयाँ प्रोभिजन राइट ब्याक भएकाले नाफा बढेको कम्पनीले जनाएको छ ।
यो अवधिमा कम्पनीले विद्युत बिक्रीबाट १ करोड ३५ लाख ७६ हजार रुपैयाँ आम्दानी गरेको छ । कम्पनीले विद्युत बिक्रीबाट हुने आम्दानी भने घटेको छ । कम्पनीले गत वर्ष ६ करोड ६४ लाख १४ हजार रुपैयाँ आम्दानी गरेको थियो । कम्पनीको ७.५ मेगावाटको इन्द्रावती–३ सञ्चालनमा छ ।
