दुई महिनामै ५२ हजार विद्युतीय चुलो आयात

काठमाडौं । नेपालमा उत्पादित विद्युत् खपत बढाउने चर्चा व्यापक चलिरहँदा दुई महिनाको अवधि मै ५२ हजार भन्दा बढी विद्युतीय चुलो आयात भएका छन् । आर्थिक वर्षको (आव) २०८०/८१ को साउन र भदौमा उक्त विद्युतीय चुलो आयत भएका हुन । 

आवको साउन र भदौ महिनामा ५२ हजार २ सय ७७ विद्युतीय चुलो नेपाल भित्रिएको भन्सार विभागले जनाएको छ । विभागका अनुसार साउन महिनामा २३ हजार ५ सय २३ वटा र भदौमा २८ हजार ७ सय ५० वटा विद्युतीय चुलो नेपाल भित्रिएका हुन् । त्यसमध्ये ३५ हजार ९ सय १७ इन्डक्सन चुलो र १६ हजार ३ सय ६० वटा इन्फ्रारेड चुलो रहेका छन् । 

विद्युतीय चुलो प्रयोग गर्दा छिटो छरितो र बिजुली खपत हुने भएकाले अहिले नेपालीहरू विद्युतीय चुलो प्रति लक्षित भएका छन् । भान्सामा विद्युतीय चुलो एलपिजी ग्यास भन्दा सहज हुने भएकाले सरकारले पनि विद्युतीय चुलोलाई बढी प्राथामिकता दिएको पाइन्छ ।