ऊर्जा खबर
काठमाडौं । बुटवल पावर कम्पनीले करिब १८ करोड रुपैयाँ खुद नाफा कमाएको छ । कम्पनीले चालु आर्थिक वर्षको ६ महिनाको अवधिमा सो मुनाफा कमाएको हो ।
चालु आर्थिक वर्षको दोस्रो त्रैमाससम्मको अवधिमा १८ करोड १४ लाख ६५ हजार रुपैयाँ खुद नाफा कमाएको कम्पनीले जनाएको छ । कम्पनीले अनुसार यो नाफा गत वर्षको यही समय अवधिको तुलनामा ४ करोड ३० लाख ६७ हजार रुपैयाँ बढी हो । गत वर्ष १३ करोड ८३ लाख ९८ हजार रुपैयाँ खुद नाफा कमाएको थियो ।
कम्पनीले यो अवधिमा विद्युत बिक्रीबाट ४२ करोड ३१ लाख २२ हजार रुपैयाँ आम्दानी गरेको छ । गत वर्ष ३९ करोड ३ लाख २० हजार रुपैयाँ आम्दानी गरेको थियो ।
जलविद्युत विकासमा सशक्त र संगठितरूपमा अघि बढिरहेको बिपिसीले हालसम्म २६.६ मेगावाटका चार आयोजना सञ्चालन गरिरहेको छ । यस्तै, ३७.६ मेगावाटको काबेली ‘ए’ र ३० मेगावाटको न्यादी निर्माणाधीन छन् । सय मेगावाटको तल्लो मनाङ मर्स्याङ्दी अध्ययन भइरहेको छ । नर्वेजियन लगानीमा निर्माण भएको ६० मेगावाटको खिम्तीमा बिपिसीको १६.८८ प्रतिशत सेयर स्वामित्व छ ।
.jpg)
