ऊर्जा खबर
काठमाडौं । नेपाल विद्युत प्राधिकरण कुलेश्वर वितरण केन्द्रले विद्युत महसुल नबुझाउने ग्राहकको लाइन काटी ३ करोड रुपैयाँ बढी बक्यौता उठाएको छ । केन्द्रले लामो सयमसम्म महसुल नबुझाउने ग्राहकको लाइन काटी बाँकी बक्यौता असुल गरेको हो ।
लामो समयदेखि विद्युत महसुल नबुझाउने एक हजार बढी ग्राहकको लाइन काटेको केन्द्रका सूचना अधिकारी भरत केसीले बताए । ‘चालू आर्थिक वर्ष (आव) २०७९/८० को ९ महिनाको अवधिमा १०५१ ग्राहकको लाइन काटेका छौ’, उनले भने, ‘लाइन काटिएका ग्राहकबाट जरिवानासहितकाे ३ करोड २० लाख ६७ हजार ७ सय ४ रुपैयाँ बक्यौता असुल भएकाे छ ।’
केन्द्रले विद्युत महसुल नबुझाउने ग्राहकको लाइन काटी बक्यौता उठाउने कामलाई तिव्र गतिमा अघि बढाएको छ । केन्द्र अन्तर्गत अहिले ६४ हजार ७१ ग्राहक छन् । केन्द्र अन्तर्गत शत प्रतिशत विद्युतीकरण भएको पनि केसीले बताए ।
.jpg)
