ऊर्जा खबर
काठमाडाैं । माया खोला हाइड्रो पावर लिमिटेडको सेयर बाँडफाँट भएको छ। कम्पनीको शेयर निष्कासन तथा बिक्री प्रबन्धक प्रभु क्यापिटलको कार्यालयमा कम्पनीको सेयर बाँडफाँट भएको हो।
कम्पनीले माघ १३ गतेदेखि १७ गतेसम्म सर्वसाधारणका लागि निषकासन गरेकाे १९ लाख ९२ हजार कित्ता सेयर बाँडफाँड गरेकाे हाे । कम्पनीकाे सेयरका लागि १४ लाख ३५ हजार ३ सय १३ आवेदकबाट १ करोड ६३ लाख ६ हजार ७ सय ६० कित्ताका लागि आवेदन परेको थियो।
सोमध्ये १२ लाख ७८ हजार ६ सय ८८ आवेदन स्वीकृत भएको छ। स्वीकृत आवेदनमध्ये १ लाख ९९ हजार २०० आवेदकले १० कित्ताका दरले कम्पनीको सेयर प्राप्त गरेकाे बिक्री प्रबन्ध प्रभु क्यापिटले जनाएकाे छ ।
कम्पनीकाे संखुवासभामा १४.९ मेगावाट माया खाेला निर्माणाधीन छ । काम सकिन लागेकाे आयाेजनाकाे विद्युत पुसभित्र राष्ट्रिय प्रसारण प्रणालीमा जोडिने भएको छ ।
