ऊर्जा खबर
काठमाडौं । सुपरमाई हाइड्रो पावर कम्पनीले साधारण सेयर निष्कासन गर्ने भएको छ । कम्पनीले इलाममा सञ्चालित ७.८ मेगावाटको सुपर माई जलविद्युत केन्द्रको स्थानीय र सर्वसाधारणका लागि छुट्याएको सेयर निष्कासन गर्न लागेको हो ।
सय रुपैयाँमा अंकित १० करोड रुपैयाँ बराबरको १० कित्ता सेयर निष्कासन गर्न लागिएको कम्पनीले जनाएको छ । कम्पनीका अनुसार निष्कासन अनुमतिका लागि नेपाल धितोपत्र बोर्डमा आवेदन दिइएको छ ।
बोर्डबाट अनुमति पाउने लगतै पहिलो चरणमा आयोजना प्रभावित स्थानीयका लागि सेयर निष्कासन गरी बाँडफाँड गरिनेछ । दोस्रो चरणमा सर्वसाधारणका लागि निष्कासन गरिनेछ ।
कम्पनीले सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकेको छ । कम्पनीले निर्माण सम्पन्न गरेको आयोजनाले विद्युत उत्पादन गरिरहेको छ । उत्पादीत विद्युत नेपाल विद्युत प्राधिकरणको गोदक सबस्टेसनमा जोडिएको छ ।
