बरुण हाइड्रोको साढे ३ लाख कित्ता सेयर आवेदन दिने आज अन्तिम दिन

काठमाडौं । बरुण हाइड्रो पावर कम्पनी लिमिटेडको ३ लाख ५५ हजार ६० कित्ता लिलामी मार्फत सेयर आवेदन दिने आज (कात्तिक २१ गते) अन्तिम दिन हो । कम्पनीले गत कात्तिक १४ गतेबाट खुल्ला गरेको लिलामी मार्फतको सेयर अवेदन अवधि आज साझ ५ बजेबाट सकिन लागेको हो ।

कम्पनीले भदौ ६ गतेदेखि शतप्रतिशत हकप्रद सेयर बिक्री खुल्ला गरेको थियो । १६ लाख ७९ हजार ७५ कित्ता हकप्रद सेयर बिक्री खुल्ला गरेकोमा २३ लाख २४ हजार १५ कित्ताका लागि मात्र आवेदन परेको थियो । उक्त सयमभित्र आवश्यकता अनुसारको सेयर नबिकेपछि कम्पनीले बाँकी रहेको सेयर लिलामी मार्फत बिक्री खुल्ला गरेको हो । 

लगानीकर्ताले न्यूनतम १ सय कित्तादेखि अधिकत्तम सम्पूर्ण कित्ता लागि आवेदन दिन पाउँनेछन् । आवेदकले बोलपत्र पेस गर्दा न्यूनतम सय रुपैयाँ वा सो भन्दा बढी बोलकबोल गर्नुपर्नेछ ।

 कम्पनीको संखुवाभामा ४.५ मेगावाटको हेवा खोला जलविद्युत आयोजना सञ्चालनमा छ । हेवा खोलाले २०६८ साउन २१ गतेदेखि नियमित विद्युत उत्पादन गरिरहेको कमपनीले जनाएको छ ।