ऊर्जा खबर
काठमाडौं । सप्तरीको कञ्चनपुर वितरण केन्द्र अन्तर्गत ११ केभीको फतेपुर फिडर सञ्चालनमा आएको छ । यसअघि सञ्चालित बालार्दह ३३/११ केभीको सबस्टेसनको एउटै फिडरबाट सुचारु रहेकोमा सोमबारदेखि फतेपुर र कञ्चनपुरमा गरी २ वटा फिडर सञ्चालनमा ल्याइएको हो ।
११ केभीकाे फतेपुर र कञ्चनपुर फिडरलाई छुट्टा-छुट्टै सञ्चालन गरिएकाे केन्द्रले जनाएकाे छ । केन्द्रका अनुसार छुट्टै फिडर सञ्चालन भएपछि थप गुणस्तरीय विद्युत् उपलब्ध हुने, ट्रिपिङ नहुने, मर्मत सम्भारमा सहज हुनुका साथै निरन्तर विद्युत् आपूर्तिमा सहयोग पुग्ने छ । साथै, फतेपुर फिडरकाे काम गर्दा कन्चनपुर मात्र बन्द हुने साथै फतेपुरकाे लाइन अवरुद्ध नहुने भएकाेले दुवै तिरकाे ग्राहकलाइ थप गुणस्तर सेवा वितरण हुनेछ ।
केन्द्रले गुणस्तर र भरपर्दाे सेवा प्रवाह गर्न याे फिडर सञ्चालनमा ल्याएकाे हाे । केन्द्रले गुणस्तरीय विद्युत आपूर्तिसँगै महसुल नबुझाउने ग्राहककाे लाइन काटी बक्याैता उठाउने काम पनि तिव्र गतिमा गरिरहेकाे जनाएकाेछ ।
