ऊर्जा खबर
काठमाडौं । एसजेविएन अरुण-३ पावर डेभलपमेन्ट कम्पनीमा रोजगारीको अवसर खुलेको छ । कम्पनीले निर्माणाधीन ९ सय मेगावाटको अरुण–३ जलविद्युत आयोजनाको प्रवर्द्धक कम्पनीले रिक्त स्थानमा कर्मचारी पदपूर्ति गर्न आवेदन खुलाएको हो ।
रिक्त ७० कर्मचारीको पदपूर्ति गर्न योग्य व्यक्तिबाट आवेदन मागेको कम्पनीले जनाएको छ । कम्पनीका अनुसार सिभिल, इलेक्ट्रिक तथा आइटी इन्जिनियर पदका लागि आवेदन मागिएको छ । इन्जिनियर, मानव संसाधन व्यवस्थापन र फाइनास्सतर्फ गरी २० कर्मचारी नियुक्त गर्न आवेदन मागिएकाे छ ।
यस्तै, विभिन्न पदका लागि ५० जना प्रशिक्षार्थी कर्मचारी राखिने भएको छ । सिभिल, इलेक्ट्रिकल, मेकानिकल तथा आइटी इन्जिनियरिङ र भुगर्वसास्त्रमा स्नातक गरेकाहरूलाई प्रशिक्षर्थी राखिने भएको छ । ओभरसियर, सब–ओभरसियर, मानव संसाधन व्यवस्थापन र फाइनान्सका लागि पनि प्रशिक्षार्थी कर्मचारी नियुक्त गरिने कम्पनीले जनाएको छ ।
योग्यता पुगेका इच्छुक व्यक्तिले आगामी माघ २ गतेसम्ममा आवेदन दिइसक्नु पर्नेछ । कम्पनीले भारतीय लगानीमा संखुवासभाको अरुण नदीमा अरुण-३ आयोजना निर्माण गरिरहेको छ ।
.jpg){kind=spacer}
