ऊर्जा खबर
काठमाडौं । ग्रिन लाइफ हाइड्रो पावर कम्पनीको सेयर नेपाल स्टक एक्सचेञ्च (नेप्से) मा सूचिकृत भएको छ । सोमबार सूचिकृत भएको सेयर मंगलबारदेखि कारोबार हुनेछ । कम्पनीको १ करोड ८० लाख कित्ता सेयर नेप्सेमा सुचिकृत भएको छ । नेप्सेले सुरुको कारोबारका लागि न्युनतम मुल्य ९९.६७ रुपैयाँ र अधिकतम २९९.०१ रुपैयाँ तोकेको छ ।
ग्रीन लाइफ हाइड्रो पावरले माघ २३ गतेदेखि प्रतिसेयर सय रुपैयाँमा अंकित १८ लाख कित्ता र स्थानीय बासिन्दाका लागि जारी सेयरमा बिक्री नभएको १६ लाख ८६ हजार ४ सय कित्ता गरी कुल ३४ लाख ९६ हजार ४ सय कित्ता साधारण सेयर निष्कासन गरेको थियो ।
त्यसमध्ये १ लाख ७४ हजार ८ सय २० कित्ता सेयर सामूहिक लगानी कोषका लागि र ६९ हजार ९ सय २८ कित्ता सेयर कर्मचारीहरुका लागि बाँडफाँट गरिएको छ । बाँकी रहेको ३२ लाख ५१ हजार ६ सय ५२ कित्ताका सेयर सर्वसाधारणको लागि बाडफाँड गरिएको छ । कम्पनीको सेयर बिओके क्यापिटलले निष्कासन गरी बाँडफाँड गरेको हो ।
कम्पनीले अहिले दोलखामा ४० मेगावाटको खानी खोला–१ जलविद्युत आयोजना निर्माण गरिरहेको छ । निर्माणाधीन आयोजना अन्तिम चरणमा पुगेको छ । आयोजनाबाट उत्पादन भएको विद्युत १३२ केभी सिंगटी–लामोसाँघु प्रसारण लाइनमा जोडिन्छ ।
.jpg)
