images
images
images
  • प्राधिकरण : ९५५६ मे.वा.घन्टा
  • सहायक कम्पनी : ६००३ मे.वा.घन्टा
  • निजी क्षेत्र : १०५३४ मे.वा.घन्टा
  • आयात : मे.वा.घन्टा
  • निर्यात : १३६१ मे.वा.घन्टा
  • ट्रिपिङ : मे.वा.घन्टा
  • ऊर्जा माग : २६०९२ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १४१० मे.वा.
×

मुरुली गाउँमा विद्युतीकरण गर्न सौर्य विद्युत आयोजनाको काम सुरु, २ सय घरले सेवा पाउने

२०७८ कार्तिक २९

काठमाडौं । जुम्लाको गुठिचौर गाउँपालिकामा ५० किलोवाट क्षमताको सौर्य विद्युत आयोजना बनाउन सुरु गरिएकाे छ । गाउँपालिकाकाे वडा नम्बर –२ वडा स्थित मुरुली गाउँमा विद्युतीकरण गर्न साैर्य विद्युत आयोजनाकाे निर्माण थालिएकाे हाे । 

वैकल्पिक ऊर्जा प्रवर्द्धन केन्द्र (एइपिसी) र गाउँपालिकाको संयुक्त लगानीमा सौर्य विद्युत आयोजनाको काम सुरु गरिएको गाउँपालिकाका अध्यक्ष हरिबहादुर भण्डारीले बताए । उनका अनुसार आयोजना सम्पन्न गर्न ३ करोड ५६ लाख रुपैयाँ लागत अनुमान गरिएको छ ।

आयोजनामा केन्द्रकाे ३ करोड २१ लाख रुपैयाँ र गाउँपालिकाको ३५ लाख रुपैयाँ लगानी रहनेछ । ‘वडाभित्रका २ सय बढी घरधुरीलाई विद्युत सेवा पुर्याउन उद्देश्यले सौर्य विद्युत आयोजनाको काम सुरु गरेका छाैं,’उनले ऊर्जा खबरसँग भने, ‘टुकीकाे भरमा जीवन गुजारिरहेका वडाबासीले अबकाे ३ महिनाभित्र विद्युत उपयाेग गर्न पाउनेछन् ।’

गाउँपालिका अन्तर्गत ५ वटा वडा छन् । वडा नम्बर ३, ४ र ५ का अधिकांश गाउँमा विद्युत पहुँच पुगिसकेकाे छ ।  २ नम्बर वडामा पनि ३ महिनाभित्र पूर्ण विद्युतीकरण गरिसक्ने लक्ष्य रहेकाे उनले बताए ।

गाउँपालिकाको वडा नम्बर १ मा अहिलेसम्म विद्युत पहुँच पुगेकाे छैन । याे वडाकाे विद्युतीकरणका लागि ४८ किलोवाट क्षमताकाे लघुजलविद्युत आयोजना निर्माण भइरहेको छ । यो आयोजनाको काम पनि अन्तिम चरणमा पुगेको उनले जानकारी दिए । उनका अनुसार अबकाे एक महिनाभित्र काम पूरा गरी याे वडामा पनि विद्युत पहुँच पुर्याउने गाउँपालिकाले तयारी गरिरहेकाे छ । 

जिल्लाको चन्दननाथ नगरपालिकामा मात्र अहिलेसम्म राष्ट्रिय प्रसारण प्रणालीको विद्युत पहुँच पुगेको छ । गत साउनमा जुम्लामा राष्ट्रिय प्रणालीकाे विद्युत पुगेकाे हाे । 

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit