ऊर्जा खबर
काठमाडौं । गरिमा विकास बैंकले ग्राहकहरूका लागि ‘गरिमा फाइभ इन वान’ बचत खाता सार्वजनिक गरेको छ । ‘गरिमा फाइभ इन वान’ बचत खातामा ग्राहकहरूले बचत खाता, डिम्याट खाता, सेयर ट्रेडिङ, खाता, मेरो सेयरको र सि–आस्वा सेवाका लागि एकै पटक छुट्टाछुट्टै आवेदन दिन सक्ने बैंकले जनाएको छ ।
यस खाताअन्तर्गत ग्राहकहरूले न्युनतम १००० मा खाता खोली निःशुल्क सेवा अन्तर्गत मोबाइल बैकिङ्ग, वेभ बैकिङ्ग, एटिएम, सि–आस्वा तथा गरिमा क्यापिटल र सेयर ब्रोकर कम्पनीहरूबाट डिम्याट, सेयर ट्रेडिङ (टिएमएस) र मेरो सेयर खाता साथै ‘लकर फ्यासीलिटी’ मा ५० प्रतिशतसम्मको छुट हुने बैैकले जनाएको छ । यस सेवा मार्फत नयाँ तथा पुराना ग्राहक महानुभावहरूले बैंकका कुनै पनि शाखाबाट सहजै खाता खोल्न सक्नेछ ।
बैंकले ग्राहकहरूलाई सहज र सरल रुपमा डिजिटल सेयर ट्रेडिङ प्लेटफर्म समेत उपलब्ध गराउने उद्देश्यले यो सेवा प्रारम्भा गरेको हो । काठमाडौँको लाजिम्पाटमा केन्द्रियकार्यालय रहेको यस बैकले नेपालको विभिन्न सहरी तथा ग्रामिण जिल्लाहरूमा १२३ शाखा कार्यालय ५१ एटिएमबाट करिब ८ लाख ग्राहकहरूलाई बैकिङ सेवा प्रदान गर्दै आइरहेको छ ।
