ऊर्जा खबर
काठमाडौं । राधी विद्युत कम्पनीले ३६.५० प्रतिशत बोनस सेयर दिने भएको छ । आर्थिक वर्ष २०७६/७७ सम्ममा विद्युत बिक्रीबाट भएको संचित मुनाफाबाट आफ्नो सेयरधनी सदस्यलाई बोनस सेयर दिने घोषणा गरेको हो ।
हाल कायम चुक्ता पुँजीको ३६.५० प्रतिशतले हुन आउने १७ करोड २८ लाख ४८ हजार १ सय २२ रुपैयाँ बोनस सेयर दिने तयारी गरेको कम्पनीले जनाएको छ । कम्पनीका अनुसार चुक्ता पुँजी ४७ करोड ३५ लाख ५६ हजार ५ सय रुपैयाँ रहेको छ ।
कम्पनीको आइतबार (जेठ २ गते) बसेको सञ्चालक समितीको बैठकले बोनस सेयर दिने प्रस्ताव गरेको हो । सेयरधनीलाई बोनस सेयर दिने प्रस्ताव कम्पनीको १५ औ वार्षिक साधारणसभाबाट पारित भएपछि वितरण हुनेछ ।
कम्पनीको ४.४ मेगावाटको राधी स्मल जलविद्युत आयोजना सञ्चालनमा छ ।
