images
images
images
  • प्राधिकरण : ९५५६ मे.वा.घन्टा
  • सहायक कम्पनी : ६००३ मे.वा.घन्टा
  • निजी क्षेत्र : १०५३४ मे.वा.घन्टा
  • आयात : मे.वा.घन्टा
  • निर्यात : १३६१ मे.वा.घन्टा
  • ट्रिपिङ : मे.वा.घन्टा
  • ऊर्जा माग : २६०९२ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १४१० मे.वा.
×

बुटवल-लुम्बिनी प्रसारण लाइन ७५ प्रतिशत पूरा, कोभिड-१९ प्रभावले निर्माण लम्बियो

२०७८ साउन ३

काठमाडौं । १३२ केभी बुटवल-लुम्बिनी प्रसारण लाइनको निर्माण लम्बिएको छ । कोरोना (कोभिड–१९) महामारीका कारण लगाइएको निशेधाज्ञा अवधिमा उपकरण आयात हुन नसक्दा सञ्चालन हुने समयमा पनि प्रसारण लाइन पूरा हुन नसकेको हो ।

असारभित्र सम्पन्न भई सञ्चालनमा आइसक्नु पर्ने प्रसारण लाइन ७५ प्रतिशत मात्रै सकिएको आयोजना प्रमुख हरि पाण्डेले बताए । ‘यो प्रसारण लाइन अहिले सञ्चालनमा आइसक्नु पर्ने तालिका थियो,’ उनले ऊर्जा खबरसँग भने, ‘कोभिड–१९ को प्रभावले लक्ष्यअनुसार काम बढाउन नसक्दा निर्माण लम्बिन पुगेको छ ।’

उनले बुटवलदेखि लुम्बिनीसम्म पर्ने २० किलोमिटर लामो प्रसारण लाइनमा ५७ मध्ये ५६ वटा टावरको जग खनेर सकिएको पाण्डेले जानकारी दिए । अहिले प्रसारण लाइनको टावर ठड्याउने काम भइरहेको छ ।

निशेधाज्ञा खुकुलो भइसकेकाले अब उपकरण आयात गरी प्रसारण लाइन निर्माणको कामलाई गति दिइने उनले बताए । कोभिड–१९ र बर्खे झरीको प्रसारण लाइनको काममा परिरहेकाले निर्माण कहिलेसम्म लम्बिने भन्नबारे यकिन गर्न नसकिएको पनि उनले बताए ।

प्रसारण लाइन अन्तर्गत निर्माण भइरहेको मैनहिया सबस्टेनको काम पनि अन्तिम चरणमा पुगेको छ । सबस्टेसनमा ट्रान्सफर्मर जडान गर्न मात्र बाँकी छ । भारतबाट सबस्टेसनमा जडान हुने पावर ट्रान्सफर्मर आउन नसक्दा सबस्टेसनको काम अहिले ठप्प छ ।

प्रसारण लाइन निर्माणको जिम्मा चीनको टिबिइए साङदोङ लुनेङ ताइसान र नेपालको जोशी एण्ड मुडबरी कम्पनीले संयुक्तरूपमा गरिरहेका छन् । सबस्टेसनमा हाइटेनशन स्वीचगेयर कम्पनीले गरिरहेको छ ।

प्रसारण लाइन सम्पन्न गर्न १ अर्ब २० करोड रुपैयाँ लागत अनुमान गरिएको छ । प्रसारण लाइन तयार भएपछि बुटवल लुम्बिनी क्षेत्रमा गुणस्तरीय विद्युत सेवा दिन सकिने नेपाल विद्युत प्राधिकरणले जनाएको छ । प्राधिकरणका अनुसार प्रसारण लाइन सञ्चालनमा आउँदा प्राविधिक चुहावट घट्नुकासाथै प्रसारण क्षमता पनि सुदृढ हुनेछ ।

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit