images
images
images
  • प्राधिकरण : ९५५६ मे.वा.घन्टा
  • सहायक कम्पनी : ६००३ मे.वा.घन्टा
  • निजी क्षेत्र : १०५३४ मे.वा.घन्टा
  • आयात : मे.वा.घन्टा
  • निर्यात : १३६१ मे.वा.घन्टा
  • ट्रिपिङ : मे.वा.घन्टा
  • ऊर्जा माग : २६०९२ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १४१० मे.वा.
×

रेमिट हाइड्रोले ७७ मेगावाटको घुन्सा खोला निर्माण गर्ने

२०७८ असोज ४

काठमाडौं । रेमिट हाइड्रो लिमिटेडले ७७.५ मेगावाटको घुन्सा खोला जलविद्युत आयोजना निर्माण गर्ने भएको छ । कम्पनीले प्रदेश नम्बर–१ को ताप्लेजुङ जिल्लाको फक्ताङलुङ गाउँपालिकाको घुन्सा खोलामा पहिचान भएको आयोजना अघि बढाउन लागेको हो ।

आयोजनाको बाँधस्थल, इन्टेक, थिग्राउने पोखरी र पहुच सडक फक्ताङलुङ गाउँपालिकाको वडा नम्बर ५ र ६ मा रहने गरी डिजाइन तयार पारिएको कम्पनीले जनाएको छ । कम्पनीका अनुसार बाँध क्षेत्रबाट करिब ४ हजार ३ सय मिटर हेडरेस सुरुङमार्फत पानीलाई फक्ताङलुङ गाउँपालिकाकै वडा नम्बर ६ मा निर्माण हुने भुमिगत विद्युतगृहमा खसालिने छ ।

विद्युतगृहमा ३ वटा टर्वाइन जडान हुनेछन् । टर्वाइनमा जडान भएको ३ वटा जेनेरेटर गुमाएर विद्युत उत्पादन हुने गरी प्रस्ताव गरिएको कम्पनीले जनाएको छ । हेडरेस सुरुङ, सर्ज ट्याङ, पेनस्टक पाइप र टेलरेस सुरुङ पनि  त्यही गाउँपालिकाको वडा नम्बर ६ मा रहनेछ ।

आयोजना पूरा भएपछि वार्षिक सरदर ४५८.५८ गिगावाट घण्टा विद्युत उत्पादन हुनेछ । आयोजनाबाट उत्पादन भएको विद्युत नेपाल विद्युत प्राधिकरणको ढुंगेसाँघु सबस्टेसनमा जोडिनेछ ।

कम्पनीले आयोजनाको अध्ययन पूरा गरी उत्पादन अनुमतिका लागि विद्युत विकास विभागमा आवेदन पेश गरेको छ । विभागबाट अनुमति पाउने लगतै आयोजनाको काम सुरु गरिनेछ ।

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit